ISAIA 42:10 - Khumi Common Language Bible

¹⁰ Khulym kangtha thui iy, Areng i nang parai nai ai palo u. Khaileaung pri i khumi bawibawichi awi! mymy ai palo nai khulym thui u. Pangli y amki naichi awi, mymy ai palo u! Kamlo prichi hawi hunichira y awm nai khumi bawibawichi awi, khulym thui u!

ISAIA 42:10 ပူးပေါင်းရင်းမြစ်များ

1 NENG SATANG 16:32

Pangli hawi pangli theung y awm nai tui theung i mawichi awi, katyn amsau u. Pangli hawi pangli salo y awm nai ngiereichi awi, amo theu u!

SAM 150:6

Heng nai amjy bawibawichi awi, Areng ai palo u! Areng ai ly palo u!

SAM 33:3

Mymy i mo y khulym kangtha thui u; katyn hawi parai naimy taro beu u; amo theu parai naimy aeu u!

SAM 40:3

Achi i Tameuh ai palo naira y khulym kangtha thui ai nai, mymy ly kai ai patiu pi bo. Huna nai sa nai ai niu u nai khumichi ly jei naimy tahm khai u iy, Areng ai ym u ai.

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

SAM 96:11

Aw khaileaung hawi kani khusangchi awi, amo theu u! Pangli hawi pangli theung y awm nai, heng nai amjy bawibawichi awi, tao pajeng parai naimy aeu u;

SAM 97:1

Areng ly samrang ne! Khaileaung awi, amo theu! Panglichira y awm nai tlawn bawibawichi awi, amo theu u!

THEU NAI 15:1

Naibaly Mosi hawi Israela chengchi ly Areng ai palo nai khulym thui u bo; “Kai ly Areng ai palo ai, ati mana nai mo na baly mymy ly nang parai nai hawimy eaung naira nga hai bo; mymy ly tavaimichi, keaungngo atang nai tavaimichi ai pangli tui y anum hai chauchau nai deaungkho y ne.

THEU NAI 20:11

Kai Areng ly kani tariurei sala y my kani khusang, khaileaung, pangli hawi huni theung y awm nai cheaungkhangchi ai sa iy saryh kani y anawn nai ne. Naibaly Areng my huni Anawn nai kani ai ly amtheaung hai iy kani kachai palawn bo.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 12:5

Mymy i sa nai nang parai naichi molam y, Areng nang parai nai ai palo u. Khaileaung pri i khumi bawibawichi teng y, huni satang thui pi u.

ISAIA 42:4

Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 49:13

Kani khusang awi, khulym thui! Khaileaung awi, amo theu naimy khulym thui! Mawichi ly raawi pajeng parai naimy, khulym thui u sy! Areng ly mymy i khumichi ai, awmnem naira pei ai. Mymy ly ngari kamtang avum nai mymy i khumichi ai pahen ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 51:5

Kai ly jeu hawi kaliki iy nichi ai atleu ai. Kai i eaung naira nga ai nai neng ly kasa bo. Khumi cheng cheaungkhangchi ai, kaimy kypkyp my peang ai. Pri takhra i khumichi ly kai, jeu ai nai ajeng u nai ne. Mymychi ai atleu ai, nanai athang khai nai hawimy, nichi ly kai ai ajeng u bo.

ISAIA 60:6

Vawn tang nai kula-iu kanghu puichi ly Midian pri hawi Epha pri dengdairei ang tym iy, nang i meingtym y kawi na ai. Seba pri i muku hawi mui katuichi ang syn u ai. Khumichi ly Tameuh i sa nai sai satang kahawi ai palo u ai!

ISAIA 60:9

Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.

ISAIA 62:11

“Nangchi ai atleu nai keung Areng ly mymy i atleu pi nai khumichi ai hawi iy ang jeu ai,” nanai Jerusalem mary i khumichi teng y thui pi ai nai, Areng ly khaileaung pri khumi bawibawichi teng y amthang hai ai.

ISAIA 65:14

Kai i miseaungchi ly amo theu parai naimy khulym thui u i py, nangchi ly paleung phra vo tangam u ai.

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

AMTENG HAI NAI 14:3

naibaly nichi ly areng atehra mo y hawi, heng nai amjy palyhreichi hawi, miteaung kehchi i mo y py khulym kangtha ka-tawm naimy thui u bo; naibaly khaileaung pri i dengdairei atleu nai taseng atlo meaungkateaung palyh pa-ngo sang palyhreichi khyh ny y baly ami py huni khulym amtiu thai y.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;