ISAIA 42:1 - Khumi Common Language Bible

¹ Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 42:1 ပူးပေါင်းရင်းမြစ်များ

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

SAM 72:4

Samrang ly khumi kamawnchi ai adyh adawi naimy tara chih pi sy; khumi kamawnchi ai sabawm pi sy; ana pumpi nai khumichi ai pasum pi sy.

SAM 89:4

“Nang i kangpreang ly samrang lawm jojo ai; nang i samrang kangpreang ly amtawn jojo ai,’ nanai kaimy leu adeu bo,” napi.

ISAIA 2:4

Mymy ly khumi cheng kalenchi a-ei nai rym hai ai. Nichi py mychi i haisauchi ai li thawnra tamo, mychi i tivichi ai changpi kalei nai akeichi lawm ai nai thip palai vui ai. Khumi cheng bawibawichi ly mo mang y, mana khala py tavai atiu u ai ny y. Tavai atiu u bi ai nai py aeng u ai ny y.

ISAIA 32:16

Pri theung i meingtym tleirei y khumi kahawichi i kahawi lam hawi, leu meitang adyh adawi nai teaung u ai.

ISAIA 41:8

“Na i py kai i miseaung Israela chengchi awi, kaimy vawi takhra nai nangchi ly kai i ahawi Abraham i katu chanauchi ne.

ISAIA 41:9

Kai ly nangchi ai khaileaung khuteng taki i dengdairei kang pahawi bo. Khaileaung katem i dengdairei palau nai, nangchi ly kai i miseaungchi ne. Kai ly nangchi ai nyn va ai nai tleaung y ly kang vawi takhra nai ne.

ISAIA 42:2

Ni ly aeu iy raawi pajeng parai naimy leu katheu ai ny y. Lam salo y py raawi amkau parai naimy leu katheu ai ny y.

ISAIA 43:10

“Aw, Israela chengchi awi, nangchi ly kai i pany hai nai keungchi ne. Nangchi ly kai ai pany u ai nai py, kai ly Tameuh harei khyh, nanai pany u thai ai nai py, kai ly nangchi ai kaimy i miseaung palawn ai nai kang vawi nai ne. Kai ny y baly tameuh takhra by y; mana khala py by y, vai mo mang py awm ai ny y.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 52:13

Areng my, “Kai i miseaung ly my i sa nai kalopra y cheng parai naimy sa ai. Ni ly palo nai avum iy tahm pasang naira nga ai.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

HAKAI 2:23

Kai i miseaung tatang Zerubabela awi, huni kani y kai ly nang ai kang la ai i, kai i jeng y peang hai ai. Nang ly kaimy vawi takhra nai khumi ne,” napi bo. Hini ly ati cheaungkhang sa thai nai Areng my thui nai leu ne.

ZEKHARIAH 3:8

Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

LUKA 3:22

naibaly kani pri mang i dengdairei raawi ly, “Nang ly kai i Chapo ngai parai nai ne; kai ly nang i tlang tleaung y khrikhri pa-rei kakawn parai,” napi.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

LUKA 4:19

Areng i avo nai saneng i satang thui ai nai py ang pato nai ne, ‘nanai he,’ napi

LUKA 9:35

Naibaly khupanym theung i nai raawi theu i, “Hini ly kai i Chapo, kai i vawi nai ne; mymy i leu tangai u,” napi.

JOHAN 16:32

Khen cham, neng tym dudu bo, vai py tym ryp bo, hunai khala y ly nangchi ly amy i yhm y ahei akyhkyh pawn ai i, kaimy tlairei ai patlaw u jo ai; na i py Ampo ly kai teng y awm nai deaungkho y kaimy tlairei awm y leang.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 28:28

Hunaibaly Tameuh i paheng nai leu ly Cheng Takhrachi teng y taviu bo, nanai pany u, nichi ly tangai py tangai ai,” napi.

AMTAW 9:15

Na i py Areng my ly mymy teng y, “Chei, chei; Cheng Takhrachi hawi, samrangchi hawi, Israela kangpreangchi teng y kai i amyn apu ai nai vawi nai na a;

EPHESI 1:4

hunai kamta achi ly tamen naira y chai nai hawi, cheh ai by y pa-rei my mymy i mo y awm thai ai nai, khaileaung palum y rai kha y achi ai Krista y ang vawi veng bo;

EPHESI 1:6

Huni pahenra ly Ngai Parai Nai y jawm my ang pei;

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

PHILIPI 2:7

apakeu lawh iy, khumi kamta tapen i miseaung kamta amlawn bo.

KOLOSA 1:13

Mymy ly achi ai kaveng aly peang naira i nai ang law hai i, mymy i Chapo tamen parai nai i peang naira y achi ai ang khai vui bo;

I PETERA 2:4

Mymy ly lengseaung kangheng, khumichi i ngai y nai khypkhyp ne i py, Tameuh i dawn naira y vawi takhra nai hawi vang teng parai nai ne:

I PETERA 2:6

Ati mana nai mo nabaly Tameuh i cha-iu leu y ly, “Khen cham, Zion y ly taki i lengseaung aly len keh nai, Vawi takhra nai hawi vang teng parai nai kakhai nai ne; Ami py mymy ai ym nai ngierei ly amthang leaung y ai,” nanai tajiu nai ne.