ISAIA 41:29 - Khumi Common Language Bible

²⁹ Hini tameuh bawibawichi ly ati sai py ny y. Nichi ly ati sai py so u thai y. Nichi i mynchi py jy iy, sa thai naira by y.”

ISAIA 41:29 ပူးပေါင်းရင်းမြစ်များ

SAM 96:5

Takhra khumi bawibawichi i tameuhchi ly mynchi teu; na i py Areng ly kani khusang sa nai keung ne.

ISAIA 17:8

Nichi ly mymychi my sa nai maichamchi ai py, Aser kani anglo ai chiu ai nai mychi kiu hawi sa patyp nai tamkhawnchi hawi rimui muikatuichi patawi naira maichamchi ai py, ym u ai ny y.

ISAIA 2:8

Nichi i pri ly mynchi hawi kawi na i, khumichi ly mychi kiu hawi sa naichi ai chiu u bo.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

ISAIA 41:24

Nangchi hawi nangchi i atiti sa naichi ly ati sai py ny y. Nangchi ai chiu nai khumichi py, amso ngai ai hawi parai na ly!

ISAIA 46:7

Nichi ly huni tameuh ai paleang tleaung y apu iy syn i, meingtym tahyh u bo. Huni tameuh py mymy ai khai nai meingtym i asyh thai y naimy, angdo jo nai ne. Ni teng y khumi leaung leaungrei my chiu sa hnei takeng lawh teu i py, ni ly pathang pi thai y. Huni khumichi ai ka-jeira i nai py atleu pi thai y.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 5:13

Nichi my, “Amochi i leu ly ali cheichei teu; nichi thui ai nai Areng i leu pei nai ati sai py by y leang. Nichi i thui nai kamta nichi teng y tym sy,” napi u.

HABAKKUK 2:18

Mynchi ly atira y teaung ai mo? Hunichi ly khumichi my sa nai teu i, katapawpra ny y baly ati sai py katheu thai y. Amy i sa naira ai ym nai ly ati kamran nga ai mo? Huni ly leu katheu thai y nai tameuh ne na a!

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

TARA CHIH NAI KEUNGCHI 18:17

Khen paviu nai khumi leaung pangreichi ly yhm theung y kun u i, tangka hawi mawm nai myn hawi takhra mynchi py, Ephod py la u bo. Huni neng khala y pathyp pi nai keung ly tavaimi leaung chungvai tariureichi hawi vanrei, apai katheu pa-khora awm nai ne.

1 SAMUELA 12:21

Tapawp nai tameuhchi teng y ly abang u moh; huni tameuhchi ly tameuh tatang ny y nai deaungkho y, nangchi ai sabawm ai nai py, atleu ai nai py kawp u y leang.