ISAIA 41:26 - Khumi Common Language Bible

²⁶ Hini leu ly teng khyp, nanai kaichi thui pajau ai nai, hini atitichi tym ai, nanai nangchi theung i ami my kaichi ai thui pi yb vai sai a? Ami nai ly mo mang i satang thui vai mo? Nangchi theung y ami py hina nai thui vai y. Thui nai leu thai nai khumi leaungrei py by y leang!

ISAIA 41:26 ပူးပေါင်းရင်းမြစ်များ

ISAIA 41:22

Hi y jeu iy mo mang y ati tym ai mo, nanai thui pi u cham; Hunai deaungkho y, vaichi khala i sa naichi thui pi pachai ba. Mo mang y huni atitichi mana tem ai mo, nanai kaichi ai thui pi u. Naibaly hunichi tym nai khala y kaichi pany ai.

ISAIA 41:4

Hina nai tym hai nai keung ly ami mo? Ami my deung kamtawmchi sa pi mo? Kai Areng ly angchei khala i dengdairei awm iy, kai Areng ly tem khala khrairei awm jo ai.

ISAIA 43:9

Khumi cheng cheaungkhangchi ai tara chih naira y palau u. Nichi i mani tameuhchi ly mo mang i satang thui pajau ai mo? Mani tameuhchi ly vai tym nai atitichi ai thui yb nai awm mo? Huni tameuhchi ly mychi i sa nai kateng ne, nanai ka-ma-ra patei pajau ai nai hawi, mychi i thui nai kamta teng khyp nai saichi ka-ma-ra patei pajau ai nai, pany hai pi nai keungchi ai hawi u na sy.

ISAIA 44:7

Kai i sa nai kamta sa iy angchei khala i dengdai tem khala khrairei, tym ai nai ngiereichi ai hawihai palai thui pi yb thai nai khumi ami awm mo?,” napi.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.