ISAIA 41:25 - Khumi Common Language Bible

²⁵ “Kai ly nisi pri mang i khumi leaungrei ai vawi yb bo. Ni ai palau iy tosyh mang dengdairei tiu hai ai. Laawm beu nai keung ly khaileaung laikan ai kheu hawi ati piu nai kamta, ni ly pri peang nai samrangchi ai chiu piupa ai.

ISAIA 41:25 ပူးပေါင်းရင်းမြစ်များ

2 SAMUELA 22:43

Kai ly nichi ai tamyh nai deaungkho y, nichi ly spryh kamta dei lawm u na bo; lam salo i aneaung kapan chiu nai kamta, kai ly nichi ai kachiu bo.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 21:2

Ana piupa nairachi, vaineng takan nai hawi taphra nairachi ai paleung mei y kaniu bo. Aw Elam tavaimichi awi, tiu u! Aw Media tavaimichi awi, marychi ai katanmeuh u! Tameuh ly Babulon mary i khumichi my pei nai ngari kamtang anawn hai ai.

ISAIA 41:2

Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.

ISAIA 44:28

Kai ly Kuru samrang ai py, ‘Nang ly kai i jeng y peang ai nai keung ne. Nang ly kai i sa ai tau naichi sa ai nai tla, Jerusalem mary palum teang ai nai hawi Achura yhm langdengchi leng ai nai tla, nanai leu kang pei,” napi.

ISAIA 45:1

Samrang Kuru ly Areng my vawi takhra nai khumi ne na a! Mymy ly khumi cheng cheaungkhangchi ai eaung ai nai, ni ai samrang palyn nai ne. Mymy ly pri peang nai samrangchi i sa thai naira la pi veng ai nai, ni ai pato bo. Areng ly ni i vui mary katheu pa-khochi paeaung pi ai. Areng my samrang Kuru teng y,

ISAIA 45:13

Ati cheaungkhang amsym iy, kai i dawn pasym nai angym hai ai nai kaimy kypkyp my samrang Kuru ai kapacheang nai ne. Ni i tako ai nai lam ngierei taw hai ai. Ni ly kai i mary pui Jerusalem mary ai sa palum teang iy, langheng hawi nai kai i khumichi ai lawi tleaung hai ai. Hina naichi sa hai ai nai ni ai ami py alai y, un langseaung py pei y,” napi. Hini ly ati cheaungkhang sa thai nai keung Areng i leu pei nai ne.

JEREMIA 1:14

Mymy ly kai teng y, “Hini pri y awm nai khumi bawibawichi tlang tleaung y tosyh mang dengdairei, patang naira tym ai.

JEREMIA 50:3

“Tosyh ngan mang i khumi cheng harei ly Babulon mary y tiu ai nai ang jeu iy, huni mary ai khutaha daichi ka-vym lawm hai ai. Khumi hawi tawnbawichi preang pawn ai i, huni meingtym ly khumi angso savai tlang naira lawm ai,” napi.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

ZEKHARIAH 10:5

Juda khumichi ly lamchira i aneaung kapan theung y, paleung ka-echi ai chiu piupa nai tavaimichi kamta, eaung naira nga u ai. Areng ly nichi hawi vanrei awm nai deaungkho y, nichi ly paleung ka-e keaungngo atang nai risachi ai malawn py tiu nai pajau vui ai.

AMTENG HAI NAI 16:12

Hunaibaly tariu i nai ly mymy i khau i nai Euphratis jangpang y leu bo; hunaibaly nisi mang i dengdairei jeu nai samrangchi i vui y lam sa rym ai nai huni i tui ly kang veng bo.