ISAIA 41:23 - Khumi Common Language Bible

²³ Mo mang y ati tym ai mo, nanai kaichi ai thui pi u; huna nai khala naini, nangchi ly tameuh ne, nanai kaichi pany ai na a! Atiti kahawi so u, ti y baly ka-jeira sai sairei tym hai u. Kaichi ai jei hyn pa-rei so u!

ISAIA 41:23 ပူးပေါင်းရင်းမြစ်များ

ISAIA 19:12

Aw Aikupta samrang awi, nang ai tau pei nai khumi kachengchi ly ma mang y mo? Aikupta pri i vui ati cheaungkhang sa thai nai keung Areng ly ati mana dawn pasym yb nai ati awm mo, nanai nang teng y thui pi tan thui pi lym ai.

ISAIA 42:9

Kai i thui yb nai atitichi ly vai, tym dudu bo. Vai, kai ly nang teng y atiti kangthachi ai hunichi tym y rai khala my, kang pany hai pi ai.

ISAIA 43:9

Khumi cheng cheaungkhangchi ai tara chih naira y palau u. Nichi i mani tameuhchi ly mo mang i satang thui pajau ai mo? Mani tameuhchi ly vai tym nai atitichi ai thui yb nai awm mo? Huni tameuhchi ly mychi i sa nai kateng ne, nanai ka-ma-ra patei pajau ai nai hawi, mychi i thui nai kamta teng khyp nai saichi ka-ma-ra patei pajau ai nai, pany hai pi nai keungchi ai hawi u na sy.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ISAIA 45:3

Vengpam naira y khai nai yhmtheaung katuichi hawi, ka-vymra y kryme nai vang katengchi, nang ai kang pei ai. Huna nai khala y kai ly Areng ne nanai, Israela chengchi i Tameuh ly nang ai vawi takhra iy khai nai ne nanai, nang pany ai.

ISAIA 46:7

Nichi ly huni tameuh ai paleang tleaung y apu iy syn i, meingtym tahyh u bo. Huni tameuh py mymy ai khai nai meingtym i asyh thai y naimy, angdo jo nai ne. Ni teng y khumi leaung leaungrei my chiu sa hnei takeng lawh teu i py, ni ly pathang pi thai y. Huni khumichi ai ka-jeira i nai py atleu pi thai y.

JEREMIA 10:5

Hina nai mynchi ly pajawi baira i tavo pajei nai mynchi hawi atawm iy, leu py katheu kawp y. Nichi ly tako thai y nai deaungkho y, nichi ai kajeaung pi ai nai tla. Mynchi ly nangchi ai hawi nai py, hawi y nai py so pi thai y. Nangchi ly hunichi ai jei u moh,” napi.

DANIELA 2:9

Nangchi ly kai i amang thui pi thai y lawh ai na baly, nangchi ai kang tawp piupa iy nangchi i yhmchi py maidym satlawi lawm hai ai nai, kai dawn yb veng bo. Nangchi ly mo mang i neng khala, awm nai sai amtlau lym ai, nanai athang khai iy kai ai tapawp ai nai paleung adyh u bo. Kai i amang thui pi u; huni amang thui pi thai baly, awm nai sai py thui pi pachai pajau ai,” napi.

JOHAN 13:19

Neng tym khala y kai ly mymy ne khyp, nanai nangchi ym thai ai nai, vai ly neng tym y rai kha y kang thui pi.

AMTAW 15:18

Khaileaung palum angchei kha i dengdairei hini satang pany hai reng nai keung Areng my ly ang napi,’ nanai tajiu nai ly.