ISAIA 41:21 - Khumi Common Language Bible

²¹ Israela chengchi i samrang Areng my, “Nangchi, khumi cheng cheaungkhangchi i tameuhchi awi, nangchi i sa nai amti pi u cham. Nangchi i akhi nai leu kakhaw tym hai u!

ISAIA 41:21 ပူးပေါင်းရင်းမြစ်များ

JOBA 31:37

Kai ly kaimy i sa nai leaungsai ngiereichi ai Tameuh teng y pany hai iy, mymy i mo y lu dengtheang ai.

JOBA 38:3

Vai, nang ly neampacho tatang baly angdo iy, kai i deng nai leuchi pathang ba.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 41:1

Tameuh my, “Nangchi kamlo prichi awi, tyn kryh y naimy kai i leu tangai u! Nangchi i molam jeung y tym ai nai angvei u rym; Nangchi ly akhi nai leu thui ai nai nga u ai. Ami i teng mo, nanai chih pi ai nai achi angym u sina.

ISAIA 43:15

Kai ly nangchi i chai parai nai Areng Tameuh ne. Israela chengchi awi, nangchi ai kaimy sa nai ne; kai ly nangchi i samrang ne,” napi.

ISAIA 43:9

Khumi cheng cheaungkhangchi ai tara chih naira y palau u. Nichi i mani tameuhchi ly mo mang i satang thui pajau ai mo? Mani tameuhchi ly vai tym nai atitichi ai thui yb nai awm mo? Huni tameuhchi ly mychi i sa nai kateng ne, nanai ka-ma-ra patei pajau ai nai hawi, mychi i thui nai kamta teng khyp nai saichi ka-ma-ra patei pajau ai nai, pany hai pi nai keungchi ai hawi u na sy.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 46:10

Kai ly angchei khala i dengdairei, leu kangtem kang thuipi yb nai ne. Mo mang y tym ai nai atitichi ai, jangni khala my kang thui pi yb veng bo. Kai i dawn pasym naichi ly mana khala py phra ai ny y, nanai kaimy thui pi yb nai kamta, kai i pasym yb nai atitichi ly sa ai.