ISAIA 41:17 - Khumi Common Language Bible

¹⁷ Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 41:17 ပူးပေါင်းရင်းမြစ်များ

ATITI AWM ANGCHEI NAI 28:15

Kai ly nang hawi vanrei awm iy nang i chei naira tleirei y kaimy kang kry ai; kaimy kang awm hai ai; nang ai hini pri y kang pahawi ali teang ai. Nang hawi adeu nai leu angym y ryrei ly nang ai kang khai su y leang mang, nanai leu kang pei nai ly nang pany jo ai nai tla,” napi.

1 ARENG KEH 17:8

Naibaly Areng my Elija teng y,

2 NENG SATANG 6:17

Hunai deaungkho y aw Israela chengchi i Areng Tameuh, nang i miseaung, kai i ampo Davida teng y adeu nai ngierei, vai tym hai ba.

SAM 22:15

Kai i tao ly spryh kamta phuirawm i, kai i palai py dangkang y akau vui bo. Nang ly kai ai dei hai ai nai spryhra y khai su bo.

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 37:25

Vai i neng khala y kai ly miteaung acheang veng bo; kai ly saneng kakra kaheng bo. Na i py khumi kahawi ai Areng my khai su nai py, ni i cho chanauchi cheaung cha nai py, tlenrei py kaniu vai y leang.

SAM 42:2

Tameuh kangheng napi nai, nang ai kai ly kadeaung bo. Kai ly mana khala y nang i mo y ahihawi iy, chiu sa pajau ai mo?

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 74:21

Ana patangra avum naichi ai ly kangji ngo hai moh kyh ba; huni ngari kamtangchi my ly nang ai palo u sy.

SAM 94:14

Areng ly mymy i khumichi ai aphi su ai ny y; mymy i peang nai khumichi ai ly khai su ai ny y.

THEU NAI 17:3

Na i py khumi mipuichi ly khri pa-rei tui ahai nai deaungkho y, Mosi ai josei u veangveang i ni teng y, “Ati mana nai kaichi ai Aikupta pri i nai theu hai mo? Kaichi hawi kaichi i cho chanauchi hawi tawnbawichi raurei tui kanghai y padei ai tau nai a?” napi u.

THEU NAI 17:6

Kai ly Sinai mawi i lengseaung saleung nang i mo y angdo ai. Nang ly lengseaung y pakhau; huni lengseaung mang khumichi nei ai nai tui theu ai,” napi. Naibaly Mosi ly Israela chengchi i luchi mo y leu pei nai kamta huni lengseaung y pakhau bo.

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 43:20

Daichi mawichi malawn py, kai ai tahm khai iy palo u ai. Kai ly kaimy vawi takhra nai khumichi tui nga ai nai molam tui by y nai daichi ka-vymra y tavo tuichi leaung hai nai khala y khivachi hawi kula-iu tavochi ly kai ai palo u ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 48:21

Areng ly mymy i khumichi ai, bi parai iy tui by y nai daichi ka-vymra y pahawi prei nai khala, nichi ly tui ahai u y. Mymy ly nichi i vui lengseaung dengdairei, tui theu hai bo. Lengseaung ako hai nai deaungkho y, tui leaung nai ne.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

ISAIA 58:11

Kai py nangchi ai lam patei jojo iy, kani kabi jengha nai meingtymra y cha nei pawichi hawi kajeu kawi hai ai. Nangchi ai noso aho hai iy ham hai ai. Nangchi ly tui nga hawihai nai akhobai kamta py, mana khala py tui kang vai y nai tavo micheaung kamta py lawm ai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 62:12

Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

ISAIA 65:13

Hunai deaungkho y kai i leu tangai iy, kai ai chiu naichi ly cholei neilei y iy, nangchi ly kajeu alam naimy tui py ahai u ai. Kai i miseaungchi ly amo theu iy nangchi ly kangji nga u ai, nanai nangchi ai kai, Areng my kang thui pi nai ne.

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

JEREMIA 31:25

Kai ly paha nai khumichi ai khesere pa-rei atho awm hai iy, kajeu alam nai deaungkho y atho bai nai khumichi ai bym pa-rei pacho ai.

TANGAM NAI LEU 4:4

Nichi ly mychi i kanu kanei deaungdichi ai, biu kanglam tui kanghai khai iy, dei hai bo. Cho deaungdichi ly teicha teinei hnei u teu ly nichi ai ami py pei pi y leang.

Ezekiela 47:8

Huni khumi my, “Hini tui ly khaileaung adymra leaung prei iy nisi ngan mang y leaung nai, Jordan tavo leaunghawi hawi, pangli kadei mang y leaung bo; huni pangli tui kalum ly tui kahawi lawm hai nai ne.

MATTHAI 5:3

“Paleung apanem naichi ly taham hawi: kani pri ly mymychi i ne.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

LUKA 16:24

Naibaly aeu i, ‘Ngaai Abraham awi, kai ai pahen ly; Lazara ly my i kiu pajeung kadeaung tui y padeung iy kai i palai padam ai nai ni ai pato kyh; hini mai kangveaung y kai khrikhri pa-rei no na ly,’ napi.

II KORINTH 12:9

Naibaly mymy ly kai teng y, “Kai i pahenra ly nang i vui hawi khyp bo; ham y naira y ly kai i atiti sa thai naira ly angym bo,” napi. Hunaibaly Krista i atiti sa thai naira ly kai i tlang tleaung y awm thai ai nai, khrikhri pa-rei kakawn naimy kai i ham y naichi ra y ly kamlyh lawh ai.

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.