ISAIA 41:10 - Khumi Common Language Bible

¹⁰ Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 41:10 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

ATITI AWM ANGCHEI NAI 26:24

Huni vum y Areng ly ni teng y amteng i, “Kai ly ngampo Abraham i Tameuh ne, mawn moh; kai ly nang hawi vanrei awm ai. Kai i miseaung Abraham teng y leu adeu nai kamta ly nang i kangpreangchi peung hai ai mang, nang ai py amtheaung hai ai,” napi.

ATITI AWM ANGCHEI NAI 31:5

Mymy ly nini teng y, “Ngampo ly jangni i kamta kai ai khrei y nai sai kapany bo; na i py ngaai i Tameuh my kai ai ang awm hai nai ne.

ATITI AWM ANGCHEI NAI 49:24

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne.

2 SAMUELA 22:19

Kai patang naira avum nai khala y, nichi ly kai ai tiu u; na i py Areng ly kai ai ama hai bo.

1 NENG SATANG 12:18

Tameuh teng i Phailo ly Amasai tlang tleaung y tym i, kangkhym y risa leaung phaireichi i tavailu areng lawm nai Amasai my, “Jese i chapo Davida awi, kaichi ly nang i khumichi ne! Tameuh ly nang mang y awm! Nang hawi vanrei nang ai sabawm nai khumichi ly eaung naira ngo u sy!” nanai aeu u bo. Davida ly nichi ai kawn i, mymy i tavaimi theung y miteaung kehchi lawm hai bo.

2 NENG SATANG 20:17

Nangchi ly hini tavai atiu u ai ny y; meingtym naini la iy ajeng u. Areng my nangchi ai eaung naira pei nai niu u ai. Juda khumichi hawi Jerusalem mary i khumichi awi, paleung adi adiu nai awm u moh. Jei y naimy atiu u. Areng ly nangchi hawi vanrei awm ai!,” nanai leu pei nai thui pi bo.

2 NENG SATANG 32:8

Ni mang y khumichi i sa thai naira naini awm khyh; achi mang y ly ang sabawm iy achi i tavai atiu naira y abawi nai achi i Areng Tameuh awm,” napi. Hina nai samrang i leu deaungkho y, khumichi ly atho nga u bo.

SAM 144:11

Pahyp y naimy ana nai paleung ka-echi teng i nai kai ai atleu pi kyh ba; pri takhra khumichi kiu i nai atleu kyh ba; huni khumichi ly mana khala py leu kateng katheu u vai y; vaineng tleang i malawn py, ka-chawi thui u reng naichi ne.

SAM 144:8

Huni khumichi ly mana khala py leu kateng katheu u vai y; vaineng tleang i malawn py, ka-chawi thui reng naichi ne.

SAM 145:14

Mymy ly patang naira avum nai khumi bawibawichi ai sabawm; atlym nai khumichi ai py sabawm.

SAM 147:12

Aw Jerusalem mary, Areng ai palo! Aw Zion mary, nang i Tameuh ai ly palo!

SAM 18:36

Nang ly kai ai patiu ai nai ngo y pa-rei ama hai bo; kai ly mana khala py sum ai ny y.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 33:12

Areng ai Tameuh palawn iy chiu nai khumi cheng ly taham hawi; Mymy i khumi lawm ai nai vawi takhra nai khumichi ly taham hawi.

SAM 37:17

Ati mana nai mo nabaly Areng ly khumi hawi y naichi i atho la pi veng iy, khumi kahawichi ai ama hai ai nai deaungkho y ne.

SAM 37:24

Areng ly nichi ai sabawm pi ai i, nichi ly atlym i py, ang thau y naimy awm ai ny y.

SAM 41:12

Kai ly kateng sa nai khumi ne nai deaungkho y, mymy ly kai ai sabawm nai ne i, mymy i mo y deungtasarei awm ai nai pei ai.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 46:7

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 63:8

Kai ly nang teng y anghawi bo; nang i kiu my ly kai ai chymme naimy khai bo.

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

THEU NAI 14:13

Huna nai khala Mosi my, “Jeih u moh, Vam parai nai awm u; vaini Areng my atleu nai nangchi niu u ai; Aikupta chengchi ai vaini nangchi niu nai ly vai mo mang y nangchi niu u ali bi ai ny y leang bo mang.

THEU NAI 20:20

Naibaly Mosi my, “Jei u moh; nangchi ai cham ai nai py, nangchi ly mymy i leu tangai iy kamngo so y ai nai py, Tameuh ang jeu nai ne,” nanai pathang.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 37:6

Isaia ly “Areng my mymy ai Asuria chengchi i mei aniu y nai leuchi thui nai molam y, paleung khrukhra y ai nai nang ai leu pei nai ne.

ISAIA 43:5

Jei u moh, kai ly nangchi hawi vanrei awm! Kamlo parai nai nisi hawi nidym mang, kangtem keh meingtym dengdairei, nangchi ai nangmychi pri y, kaimy kang hawi ai.

ISAIA 44:2

Kai ly nangchi ai sa nai keung Areng ne. Nangchi tapen khyp khala i dengdairei, nangchi ai kang sabawm bo. Jei u moh, nangchi ly kai i miseaung, kai my kang tamen iy, vawi takhra nai khumichi ne.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 50:9

Areng mymy kypkyp my, kai mang y asa hai ai i, kai teng y kamngo awm, nanai ami my pany hai nai ka-ma-ra patei pajau ai mo? Kai ai neng hai nai khumi ngiereichi ly tama veng ai. Nichi ly thaikem my cha nai ateaung kamta phra ai.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 60:19

“Kanithun y kanito py, vum y lo py, nang i kangvang lawm ai ny y. Kai, Areng naini, nang i vui deungtasarei kangvang lawm ai. Kai i nang parai nai kangvang sangso ly nang i tlang tleaung y angvang ai.

TANGAM NAI LEU 3:57

Kai ai jei moh, nanai pathang pi bo.

DANIELA 10:12

Huni my, “Daniela awi, jei moh. Nang ly cheng naira nga pajau ai nai molam, paleung apanem ai nai paleung adawn manme nai kani dengdairei, Tameuh ly nang i chiu sa nai tangai pi bo. Nang i hnei takeng nai pathang pi ai nai, kai ai ang pato nai ne.

DANIELA 6:16

Hunaibaly samrang i leu pei nai kamta, Daniela ai khrangsi paeung nai angawm y aphi u bo. Samrang my Daniela teng y, “Nang i ka-ym awm naimy chiu nai Tameuh ly nang ai atleu pi na sy,” napi.

HOSEA 1:9

Naibaly Areng my Hosea teng y, “Israela khumichi ly kai i khumi ny y, kai py nichi i Tameuh ny y nai deaungkho y, huni chapo ai ‘kai i khumi ny y’ nanai pathi ba,” napi.

HAKAI 1:13

Naibaly Areng i leu pei nai thui pi nai keung Hakai ly “Areng my, kai ly nangchi hawi vanrei awm ai,” nanai leu pei nai ly khumichi teng y thui pi.

HAKAI 2:5

Aikupta pri i dengdairei nangchi vawi u nai khala y, kai ly nangchi hawi vanrei awm jo ai, nanai adeu nai kamta, vai khrairei nangchi hawi vanrei kai awm; hunai deaungkho y jei u moh.

ZEKHARIAH 10:12

Kai ly kaimy i khumichi ai atho awm hai ai. Nichi ly kai ai chiu u iy kai i leu tangai u ai.” Hini ly Areng i pei nai leu ne.

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

LUKA 1:13

Na i py kani pri i amtaw thau nai my ly mymy teng y, “Zakaria, jei moh; nang i hnei nai ly ang thai na a: nang i aju Elizabet my chapo ang tapen pi ai, amyn y Johan pathi ai nai tla.

LUKA 1:30

Naibaly kani pri i amtaw thau nai my ly mymy teng y, “Mari, jei moh: nang ai ly Tameuh my ang tamen mang.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

II KORINTH 12:9

Naibaly mymy ly kai teng y, “Kai i pahenra ly nang i vui hawi khyp bo; ham y naira y ly kai i atiti sa thai naira ly angym bo,” napi. Hunaibaly Krista i atiti sa thai naira ly kai i tlang tleaung y awm thai ai nai, khrikhri pa-rei kakawn naimy kai i ham y naichi ra y ly kamlyh lawh ai.

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

TARA CHIH NAI KEUNGCHI 6:16

Areng my, “Kai ly nang ai sabawm ai i, huni ly nang sa pajau ai; nang ly khumi leaungrei ai tiu pajau vui nai kamta, Midian chengchi ai rai y naimy tiu pajau ai,” napi.