ISAIA 40:29 - Khumi Common Language Bible

²⁹ Mymy ly paha nai, akawm nai khumichi ai atho pei nai ne.

ISAIA 40:29 ပူးပေါင်းရင်းမြစ်များ

ATITI AWM ANGCHEI NAI 49:24

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne.

NEHEMIA 6:9

Mary apai sa nai kalop anawn hai vui ai nai nichi bawibawi ly kaichi ai pajei nai ne. Na i py, “Aw Tameuh, vai, kai teng y atho ham naira pei kyh ba,” nanai chiu kasa.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 68:10

Nang i khumichi ly huni meingtym y awm u bo; ngari kamtang avum nai khumichi ly nang i nang parai naira molam y, cha nei takang u y nai ne.

SAM 68:35

Kachai meingtym i dengdairei ang jeu nai, Israela chengchi i Tameuh ly tahm khai naimy jei ai nai hawi parai na! Mymy ly mymy i khumichi ai sa thai naira hawi, ham naira pei nai ne. Tameuh ai ly palo u!

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

JEREMIA 31:25

Kai ly paha nai khumichi ai khesere pa-rei atho awm hai iy, kajeu alam nai deaungkho y atho bai nai khumichi ai bym pa-rei pacho ai.

ZEKHARIAH 10:12

Kai ly kaimy i khumichi ai atho awm hai ai. Nichi ly kai ai chiu u iy kai i leu tangai u ai.” Hini ly Areng i pei nai leu ne.

II KORINTH 4:16

Hunai deaungkho y kaichi ly paha y leang; kaichi i angam mang i khumi ly rawp ryh rawp ryh teu i py, kaichi i theung mang i khumi ai ly kani tleirei kangtha sa ryh sa ryh nai ne.

Leu Thui Nai 33:25

Ni i marychi ly tamo katheuchi hawi atleang typ sy; ni ly chymme naimy awm jojo sy,”

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

KOLOSA 1:11

Naibaly nangchi ly amo theu parai naimy kham pajau naira hawi, amnym naira cheaungkhang nga u ai nai, mymy i nang parai naira ham nai sai kamta sa thai naira y ham naimy,

HEBRAI 11:34

mai i sa thai naira ai py padei, haisau bo kachiu y py tleaung vui, ham y naira i dengdairei ham naira py nga, atiu naira y py sorai thau, cheng takhrachi i atiu nai kamkawmchi ai py ahei hai.

TARA CHIH NAI KEUNGCHI 15:19

Huna nai khala y Tameuh ly Lehi meingtym khaileaung thiukau naira y am-i hai i, tui theu bo. Samson ly huni tui nei i, khesere teang bo. Hunai deaungkho y huni tuino ai Hakonanai amyn pathi i, vaini khrairei Lehi meingtymra y awm nai ne.

1 SAMUELA 2:4

Atho awm parai nai tavaimi risachi i thailihochi ly tleu pawn bo; na i py atho by y naichi ly atho awm lawh nai ne.