ISAIA 40:26 - Khumi Common Language Bible

²⁶ Kani mang y khen angdeang u! Nangchi niu nai ka-sichi ai ami my sa nai mo? Hunichi ai tavaimichi kamta pahawi nai keung ne. Mymy ly ka-sichi ai kati chum baly amyn pathi iy palau na a! Mymy ly sa thai naira len parai nai deaungkho y, huni ka-sichi ly ha harei py tama, nanai by y.

ISAIA 40:26 ပူးပေါင်းရင်းမြစ်များ

ATITI AWM ANGCHEI NAI 1:14

Naibaly Tameuh my, “Vum hawi kani thun taprei ai nai kanichi, sanengchi, reita pawichi khai takhra ai nai kani khusangra kangvangchi awm sy;

ATITI AWM ANGCHEI NAI 1:16

Hunaibaly Tameuh my kangvang len parai nai nyhrei sa i, kanito ly kani thun y peang ai nai hawi, lo ly vum y peang ai nai py sa, mymy ly ka-sichi ai py sa teang.

SAM 102:25

Nang ly jangni y khaileaung palum chum baly, nang i kiu hawi kani khusang ai sa bo.

SAM 119:91

Ati cheaungkhangchi ly nang i miseaungchi ne nai deaungkho y, nang i leu pei nai kamta, vaini khrairei awm jo nai ne.

SAM 121:1

Kai ly mawichi mang y khen angdeang bo; kai ly ma mang i nai sabawm naira nga ai mo?

SAM 19:1

Kani khusang ly Tameuh i nang parai nai sai amteng hai! Kani khusang ly mymy i kupe lasachi amny hai!

SAM 66:3

“Nang i sa nai saichi ly khrikhri pa-rei lyh ai hawi parai na ly! Nang i sa thai naira ly khri pa-rei len parai nai deaungkho y, paleung ka-echi ly nang i mo y jei naimy, abyh kajeaung kaji na bo.

ISAIA 34:16

Heng nai amjychi satang tajiu nai Areng i cha-iu theung y hau iy phain u cham. Huni heng nai amjy harei py tama ai ny y. Mani heng nai amjy ngiereichi py, nu kalo ka-bom by y nai awm ai ny y. Hina nai kamta tym hai ai nai Areng my leu pei nai ne. Mymy ly nichi ai akachu hai ai.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 45:12

Kai leaungrei naini khaileaung pri ai palum iy, hunira y awm ai nai khumichi ai sa nai keung ne. Kaimy i sa thai naira hawi kani khusang ai khiu tapai iy, kanito, lo, ka-sichi ai kryme nai ne.

ISAIA 45:7

Kai ly kangvang hawi kaveng ai sa. Amtheaung naira hawi ka-jeira ai py sa. Kai, Areng ly hini bawibawichi ai sa nai ne.

ISAIA 48:12

Areng my, “Aw kaimy palau nai khumi, Israela chengchi awi, kai i leu tangai u! Kai ly Tameuh ne; kangman keh nai hawi kangkhym keh nai leaungrei khyh nai Tameuh ne!

ISAIA 48:13

Kai i kiu ly khaileaung sangum langdengchi pala iy, kani khusang ai khiu tapai nai ne. Kai ly khaileaung hawi kani khusang ai kapalau nai khala y, vaimy tym u praw bo.

ISAIA 51:6

Kani khusang ai khen ang deng u; khaileaung ai py khen u! Kani khusang ly maikhyh kamta tama vui ai. Khaileaung ly ateaung tangym nai kamta phra dudu ai. Hini khaileaung i khumi bawibawichi py, pathau kamta dei be ai. Na i py kai i atleu naira ly deungtasarei awm jojo ai. Kai i eaung naira ly mana khala py phra ai ny y.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

Leu Thui Nai 4:19

Kani mang y nangchi i niu nai kanito, lo hawi ka-si taukichi ka-tawm myn sa iy, chiu y ai nai atyp u. Achi i Areng Tameuh ly cheng takhra khumichi ai huni mynchi chiu ai nai pei nai ne.