ISAIA 40:24 - Khumi Common Language Bible

²⁴ Nichi ly ui iy tangjyn pala khyp nai keungchychi hawi atawm. Areng ly ali aho hai nai khala y, huni keungchi ly jei iy maidym kamta ahei pawn nai ne.

ISAIA 40:24 ပူးပေါင်းရင်းမြစ်များ

2 SAMUELA 22:16

Areng ly paleung ka-echi tlang tleaung y kado theu iy hang hai nai khala, suida pangli paichi hawi khaileaung i langdengchi amteng seaungkhrang na bo.

2 ARENG KEH 10:11

Naibaly Jehu ly Jezarela mary i awm nai Ahad i amjo amnauchi, ni i bangtangchi, ahawi kamrawichi hawi pathyp pi nai keungchi ai, leaungrei py tleaung y pa-rei padei pawn nai ne.

JOBA 21:18

Ali my hm nai chohphi, ali lengli my pakheang nai choh ali kamta, nichi teng y mana khala tym ai mo?

JOBA 4:9

Tameuh ly kado theu nai deaungkho y, ali kamchai kamta nichi ai taphra pawn bo.

JOBA 8:17

Huni acha keungchi i tangjynchi ly lengseaungchi ai pi naimy akau cheng iy awm reng.

SAM 58:9

Nichi ly athang khai y nai neng khala y acha keungchi kamta, ateng pawn nai avum u bo; Tameuh ly khri pa-rei kado theu nai deaungkho y, nichi ai tama hai pawn ai.

SAM 83:13

Aw Tameuh, nichi ai ali lenglira abawi nai spryh kamta ahei hai pawn ly ali aho naira abawi reng nai choh ali kamta lawm hai ba.

LEU KACHENG 1:27

nangchi paleung ka-dawn phra u nai khala, kang panui hai ai.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 17:11

Na i py huni akhochira i dengkeaung hmchi ly nang i ui nai kani khawn mang y my prau iy pauchi pau lawh teu i py, nang ly hunichira i athaichi jawi ai nai nga ai ny y. Ngari kamtang hawi tami pajau y nai patangra naini avum ai.

ISAIA 17:13

Huni pri i khumichi ly tui sampyhchi kamta, athorei my mo mang y lyn u bo. Na i py Tameuh my nichi deaungkho y khrikhri pa-rei thui parip nai khala y, nichi ly mawi para ra i spryhchi kamta py, ali tengkalengra y akheang nai choh-ali kamta py, athawn u veng bo.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 37:7

Areng ly empara samrang ai, my i pri y vawi ali teang ai nai satang sai sairei thai hai pi ai. Naibaly ni ai huni pri y my padei ai,” napi.

ISAIA 40:7

Areng my pato nai ali hawi avum nai khala y acha keung ly jei iy, kaseaung pauchi py rawm nai ne. Khumichi ly acha keung tanrei heng khyh nai ne.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 41:2

Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.

JEREMIA 22:30

“Hini khumi ly cho chanau so y ai nai pajeng naira avum bo. Ni ly mana khala py eaung naira ngo y nai khumi lawm ai. Samrang Davida y amtym ai nai hawi Juda pri y peang ai nai katu chanauchi ngo y ai. Hini ly kai, Areng i thui nai leu ne,” napi.

JEREMIA 23:19

Mymy i kado theu naira ly khumi hawi y naichi i lu y aho nai ali kamchai hawi atawm nai ne.

HOSEA 13:15

Israela chengchi ly acha keungchi kamta angvai i py, kai ly khutaha daichi ka-vym mang dengdairei, nisi mang i ali kabi aho hai nai deaungkho y, nichi i tavo micheaungchi hawi tuikanchi kang hai iy, vang kateng vawnsai ngiereichi chau pawn ai.

HOSEA 13:3

Hunai deaungkho y hini khumichi ly khawn mang y tla reng nai kadam kamta py, khawn angthodyh y tama reng nai kadam amai kamta py, tama u ai. Nichi ly choh ati nai meingtym i ali my hm iy akheang nai choh ali kamta py, paheung mang theu nai maikhyh kamta py tama u ai.

NAHUM 1:14

Areng ly Asuria chengchi molam y, “Khumichi ly huni khumichi ai tami veng ai. Nichi i achura yhmchira y awm nai mynchi ai kaimy taphra ai. Kai ly Asuria chengchi i vui tapreaung sa pi rym ai. Nichi ly heng ai ataing nai khumichi ny y! " napi.

HAKAI 1:9

“Nangchi ly amti amjang neangneang pakym achu ai nai nga u ai, nanai athang khai i py, maidenreichy naini nga u khyh nai ne. Yhm y syn u nai khala py, kai ly hunichi ai kang hm pi pan vui bo. Ati mana nai y kai ly hina nai sa mo na baly, nangchi bawibawi ly nangmychi i yhmchi sa nai hawimy, kalop nawi ala iy, kai i Achura yhm ai ly phra seaungkhrang naimy awm hai jo nai deaungkho y ne.

ZEKHARIAH 7:14

Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.