ISAIA 40:23 - Khumi Common Language Bible

²³ Mymy ly sa thai naira len nai samrangchi ai pala iy, huni khumichi ai ati sai py ny y naichi lawm hai bo.

ISAIA 40:23 ပူးပေါင်းရင်းမြစ်များ

JOBA 12:19

Pathyp pi nai keungchi hawi sa thai naira haiho awm nai khumichi ai panem vui bo.

JOBA 12:21

Sa thai naira awm nai khumichi ai kangji pei iy, mangchochi i haiho jum hai bo.

SAM 107:40

mymy ly huna nai ana pumpi nai khumichi ai paso i, lam by y nai daichi ka-vymra y amki hai ryry bo.

SAM 76:12

Mymy ly paleung len, amlyh am-e nai samrang i cho chanauchi i paleung panem vui iy, nang parai nai samrangchi ai jei hyn hai ai.

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 23:9

Ati cheaungkhang sa thai nai keung Areng ne na a. Mymy ly nichi i paleung len nai sai nau hai vui ai ngai nai deaungkho y, nichi theung y tahm awm nai khumichi ai tahm pasang vui ai ngai nai deaungkho y, hina nai sa nai ne.

ISAIA 34:12

Pri peang nai samrang hawi mipui lu sa nai keung bawibawichi py awm u ai ny y.

ISAIA 5:21

Nangchi ly taham si! Amymychi ai khri pa-rei cheng parai, tau awm, nanai athang khai u reng.

AMOS 2:3

Kai ly Moba samrang ai kapadei ai; Moba pri i lu sa nai keung bawibawichi ai tleh pawn ai,” napi.