ISAIA 40:22 - Khumi Common Language Bible

²² khaileaung sa pi nai keung ly kani hawi khaileaung salo y awm nai areng atehra salo y ateh nai keung ne. Kani anui i khaileaung salo y awm nai khumichi ly pa-leng sa-machi kamta theangchichy, nanai athang khai. Mymy ly kani khusang ai silleng kamta py, awm nai tai kamta py palawn bo.

ISAIA 40:22 ပူးပေါင်းရင်းမြစ်များ

ATITI AWM ANGCHEI NAI 1:6

Hunaibaly Tameuh my, “Tui ly phy nyhrei amprei ai nai kani khusang awm sy,” napi i awm bo. Tameuh my kani khusang awm chum baly kani khusangra awm nai tui hawi, anui y awm nai tui ai patleh takhra bo.

JOBA 22:14

Kani khusang tleaung y aleaung nai thym khala, mymy ly khupanymchi tho nai deaungkho y, nang ai khen nai niu ai ny y, nanai nang ly athang khai.

JOBA 26:7

Tameuh ly tosyh mang y awm nai kani khusang kadai iy, khaileaung ai ly khusang deaungdura y banghau nai ne.

JOBA 36:29

Mymy i awm nai kani mang y khupanymchi akheang nai hawi kani pajyh nai ly ami py pany pajau y; kani mang y awm nai Tameuh ly pany nai ne.

JOBA 37:18

Nang ly kani khusang kadai ai nai Tameuh ai sabawm pajau a? Huni ai kheupaja kamta amchai iy, tang na pa-rei so pajau na a?

JOBA 9:8

Kani khusang kadai iy, pangli naka i anam keungleung y chiu nai khala, Tameuh ly ami i kasabawmra py aly ngai y.

SAM 104:2

Nang ly nangmy ai kangvang hawi khiu bo; nang ly kani khusang ai kanih tangbeung kamta kadai iy,

SAM 18:11

Mymy ly mymy ai kaveng hawimy khiu bo. Mymy i sahawi y tui my kawi mang i, thokha nanai tamaichi awm.

SAM 19:4

kani hawi vum y theu nai katyn ly khaileaung pri verei y ahei i, hunichi my ahei nai leu ly khaileaung pri katem y khrairei tym bo. Tameuh ly kanito i vui y, kani khusangra y yhm harei sa nai ne.

SAM 2:4

Kani mang y awm nai areng atehra salo y Areng ly panui naimy nichi i dawn pasym nai ai panui hai nai ne.

SAM 29:10

Areng ly tui thiu parai nairachi ai peang. Mymy ly deungtasa peang nai samrang ne.

SAM 68:33

Jangni dengdairei awm yb nai kani mang i awm nai Tameuh ai palo nai khulym thui pi u. Tao pajeng parai naimy leu pei nai raawi tangai u.

LEU KACHENG 8:27

mymy ly kani khusang ai palum nai neng, pangli y tako prei iy, khusang ai kadai nai neng khala kai awm nai ne.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 37:16

“Kheruben salo y ateh nai kani pri tavai luchi i Areng, Israela chengchi i ati cheaungkhang sa thai nai Areng Tameuh, nangmy leaungrei naini khaileaung pri verei ai peang nai Tameuh ne. Nang ly kani hawi khaileaung sa nai keung ne.

ISAIA 40:15

Areng mo y khumi cheng cheaungkhangchi ly ati sai py ny y. Nichi ly tui paleaungdy nai ryrei khyh. Kamlora i tlawnchi py tamaiham tanrei kaji awm khyh nai ne.

ISAIA 40:17

Khumi cheng cheaungkhangchi ly mymy i mo y ati sai py ny y leang.

ISAIA 42:4

Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 10:12

Areng ly sa thai nai haiho hawi khaileaung lawm hai bo. Cheng naira hawi khaileaung pri sa iy, Tau cheng naira hawi kani khusang ai kadai pha bo.

ZEKHARIAH 12:1

Hini leu pei nai ly Israela chengchi i vui Areng teng i tym nai leu ne. kani khusang ai khiu iy khaileaung ai sa chum baly, khumi angsochi ai hengra pei nai keung Areng my leu pei nai ly

Kati Nai 13:33

Kaichi ly Anakim i kangpreang khumi puichi ai py kaniu; kaichi kaniu u nai ly achi ly nichi i mo y akhuchi kamta theangchichy khyh, nichi my achi ai akhuchychi kamta ang niu ai,” nanai thui pi u bo.