ISAIA 40:18 - Khumi Common Language Bible

¹⁸ Tameuh ai ly ami hawi pata pajau ai mo? Mymy i mo-cha ai nangchi ati mana thui thai ai mo?

ISAIA 40:18 ပူးပေါင်းရင်းမြစ်များ

JOBA 40:9

Nang ly kai kamta sa thai naira awm a? Nang teng y kai i raawi kamta, kani pajyh nai katyn ka-tawm katyn awm a?

SAM 113:5

Hu y achi i Areng Tameuh hawi pata pajau nai keung leaungrei py by y. mymy ly salo keh y awm nai ne.

SAM 89:6

Aw Areng, kani pri mang y nang hawi atawm nai ami awm mo? mani kanicho ly nang hawi pata pajau ai mo?

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

SAM 89:8

Ati cheaungkhang sa thai nai keung Areng Tameuh, nang kamta phum-ang len parai nai ly by y; aw Areng, nang ly cheaungkhangra y ka-ym awm nai ne.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 20:4

“Kani khusangra i heng nai amjy, khaileaung salo i heng nai amjy, khaileaung anui tui theung i heng nai amjychi ka-tawm mynchi ly nangmychi i vui so u moh.

THEU NAI 8:10

Samrang ly “Khawndam mang y kai i vui chiu so pi,” napi. Mosi my, “Nang i ngai nai kamta chiu kang sa pi ai; kaichi i Areng Tameuh atawm nai tameuh takhra by y, nanai nang pany ai.

THEU NAI 9:14

Khaileaung pri verei y kai ny y baly kai ka-tawm ami py by y, nanai nang pany ai nai nang hawi nang i bangtangchi, nang i khumichi teng y pajeng naira kaimy tym hai ai.

ISAIA 40:25

Chai parai nai Tameuh ai ami hawi pata ai mo? Mymy hawi atawm nai khumi leaung leaungrei awm na a?

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 46:5

Areng my, “Nangchi ly kai ai mani khumi hawi pata u ai mo? Kai hawi atawm nai tameuh takhra awm rai a?

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

JEREMIA 10:1

Israela khumichi awi, Areng my pei nai leu tangai u.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 10:6

Aw Areng, nang ka-tawm Tameuh harei py by y. Nang ly ati cheaungkhang sa thai nai keung ne. Nang i amyn ly nang parai iy phum-ang kawi angym nai ne.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

AMTAW 17:29

Hunaibaly achi ly Tameuh i kangpreang ne baly, Tameuh i awm nai sai ly muku mo, tangka mo, lengseaung mo, khumi i kupe kakawp hawi ka-vo thip nai kamta, nanai dawn ai nai avo y leang.

Leu Thui Nai 33:26

Israela khumichi awi, nangchi i Tameuh ly ni hawi pata ai nai tameuh takhra by y; mymy ly phum-ang nang parai nai hawimy tamai atang iy, kani khusang tako prei naimy, nangchi ai sabawm ai nai ang jeu bo.

Leu Thui Nai 4:15

“Areng ly Sinai mawi saleung y mai kangveaung dengdairei nangchi teng y leu ang pei nai khala, nangchi ly mymy i mo-cha niu u y leang.

KOLOSA 1:15

Mymy ly niu thai y nai Tameuh kamta atawm khyp nai, atiti sa nai bawibawichi tleaung y tapen manme nai ne;

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

1 SAMUELA 2:2

Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.