ISAIA 40:15 - Khumi Common Language Bible

¹⁵ Areng mo y khumi cheng cheaungkhangchi ly ati sai py ny y. Nichi ly tui paleaungdy nai ryrei khyh. Kamlora i tlawnchi py tamaiham tanrei kaji awm khyh nai ne.

ISAIA 40:15 ပူးပေါင်းရင်းမြစ်များ

ATITI AWM ANGCHEI NAI 10:5

Nichi ly pangli peang jeungrei hawi tlawnchira y awm nai khumichi i amsi pajochi ne. Japheth i kangpreangchi ly cheng takhra, pri takhra, leu takhra naimy amprei akyhkyh iy awm u bo.

SAM 62:10

Khrukhra naira ai a-ym u moh; lawm nai kalop hawi ly hawi naira nga ai, nanai athang khai u moh; nangchi i yhmtheaung katuichi ly peung hai teu i py, hunichi ai a-ym u moh.

SAM 62:9

Khumichi ly taho kathiu, taho kalau nai ryrei khyh; khumichi i tahm asang nai anem nai, nanai py atyhtyh teu; nichi ai nehra y neh iy khen u cham; nichi ly kaji by y leang; taho kathiu taho kalau nai ali tleaung y py jang keh.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 17:13

Huni pri i khumichi ly tui sampyhchi kamta, athorei my mo mang y lyn u bo. Na i py Tameuh my nichi deaungkho y khrikhri pa-rei thui parip nai khala y, nichi ly mawi para ra i spryhchi kamta py, ali tengkalengra y akheang nai choh-ali kamta py, athawn u veng bo.

ISAIA 2:22

Dei nai amjy napi nai khumichi ai ym naimy paleung apado u moh. Nichi ly ati kamran awm mo?

ISAIA 29:5

Aw Jerusalem mary, nang ai tiu nai cheng takhra khumichi ly spryh kamta py, nichi i ka-jei hawi parai nai tavaimichi ly choh ali kamta py, vaimy ahei u pawn ai.

ISAIA 40:22

khaileaung sa pi nai keung ly kani hawi khaileaung salo y awm nai areng atehra salo y ateh nai keung ne. Kani anui i khaileaung salo y awm nai khumichi ly pa-leng sa-machi kamta theangchichy, nanai athang khai. Mymy ly kani khusang ai silleng kamta py, awm nai tai kamta py palawn bo.

ISAIA 41:5

Kamlo prichira i khumichi ly kai i atiti sa naichi niu u bo; Nichi ly jei nai kaso tahyn theu u nai ne. Hunai deaungkho y jeu u achu bo.

ISAIA 59:18

Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

ISAIA 66:19

pri kamlochi, napi nai Tashu pri, Libia pri hawi thailiho kawp keh nai khumichi awm nai Luda pri y py, Tubal pri hawi Krik pri y py, kaimy pato ai. Nichi ly huni pri i khumichi teng y, kai i sa thai naira nang parai nai satang thui ai.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

DANIELA 11:18

Naibaly ni ly pangli sahawi i prichi ai tiu iy, pri neangneangchi ai tiu nai pajau ai. Na i py pri takhra mang i tavailu leaungrei ly ni ai tiu nai pajau vui ai. Ni i paleung len amlyh nai py, anawn hai vui ai. Suria samrang ai ni i paleung len amlyh nai molam y, kangji nga hai ai.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.