ISAIA 4:5 - Khumi Common Language Bible

⁵ Naibaly Zion mawi hawi huni meingtym y awm achu nai khumi bawibawichi tlang tleaung y, Areng ly kanithun y tamai, vum y maikhyh hawi maiteaung pato pi ai. Tameuh i nang parai nai ly mary verei y khiu iy ama hai ai.

ISAIA 4:5 ပူးပေါင်းရင်းမြစ်များ

NEHEMIA 9:12

Nang ly nangmy i khumichi ai kanithun y tamai hawi lam patei iy, vum y ly nichi i lam y maiteaung hawi angvang hai.

SAM 105:39

Tameuh ly mymy i khumichi salo y tamai deng hai iy, vum y kangvang nga ai nai mai khai pi bo.

SAM 111:1

Areng ai palo! Kai ly Areng i khumichi achu nai theung y mymy i pahen nai sai ai paleung hawi verei palo ai.

SAM 78:14

Kanithun y mymy ly tamai hawi lam patei iy, vumtorei ly maiteaung hawi lam patei pi bo.

SAM 85:9

Mymy ly mymy ai jei kaji naimy tahm khai nai khumichi ai atleu takengkei ai nai ly angchi yb nai ne.

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

THEU NAI 14:24

Khutawi en khala Areng ly tamai angjawi hawi maiteaung mang dengdai, Aikupta tavaimichi ai khen kathiu i, nichi ai ahei hai phro bo.

THEU NAI 24:16

Mawi saleung y ly Areng i nang parai nai sangso ly khri pa-rei angvang teaung bo. Israela chengchi ly huni nang parai nai kangvang ly mawi salo y mai kangveaung kamta niu u nai ne. Tamai ly mawi y kani tariu ryrei khiu cheng i, saryh kani y ly Areng my tamai theung mang Mosi ai palau bo.

THEU NAI 26:1

“Kai i awm naira Tabynako ly kanih mai ka-syn, beram mui kamsen, an kamlengchi hawi kanih ali hang nai horei aneng ai nai tla. Huni kanih alichira y kheruben mynchi thun ai nai tla.

THEU NAI 26:7

“Tabynako tabiu ai nai kanih jeung holai harei ly mi-i mui hawi aneng.

ISAIA 32:18

Tameuh i khumichi awm nai yhmchi ly chymme naimy awm ai. Huni khumichi py paleung kabi, paleung ka-mawn by y ai.

ISAIA 33:20

Achi i reita pawichi sa nai Zion mawi ai khen u; Jerusalem mary ai khen u! Huni mary ly chymme naira awm iy khri pa-rei awm ai hawi parai nai mary ne na a! Huni ly paran nai khangmuichi mana khala py aphiu vui y naimy, khaw jojo nai vuinawnchi hawi jeng iy mana khala py kasyh ai ngo y nai kanih tangbeung hawi atawm ai.

ISAIA 37:35

Kai ly kaimy i tahm awm nai ai py, kai i miseaung Davida teng y pei nai leu ka-deu molam py, hini mary ai ama hai ai,” napi.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

ISAIA 60:2

Khaileaung pri y awm nai cheng takhra khumichi tlang tleaung y, kaveng my khiu teu i py, nang i tlang tleaung y ly Areng i kangvang my ko ai. Mymy meimai i phum-ang sangso ly nang i tlang tleaung y tym iy awm jo ai.

MATTHAI 18:20

Naibaly mani meingtym y py leaung nyhrei mo leaung thomrei mo kai i amyn y achu baly mychi theung y kaawm ai,” napi.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.