ISAIA 4:2 - Khumi Common Language Bible

² Areng ly hini pri theung y dengkeaung katheang kalen bawibawichi ai keung pui cheang iy, ngam sai heng-up nai neng tym hai ai. Dei kamthum Israela cheng bawibawichi ly hini pri i theu nai thengthaichi molam y amo theu u ai.

ISAIA 4:2 ပူးပေါင်းရင်းမြစ်များ

SAM 67:6

Khaileaung ly amti amjangchi ai thawn hai; achi i Tameuh ly achi ai amtheaung naira pei nai ne.

SAM 72:16

Pri theung y teicha teinei awm ma mang sy; Lebanon mawi y ly dengkeaung thengreungchi hawi, vengkhiu naimy awm nai kamta, mawichi ly amti amjangchi hawi kawi na naimy awm sy; mary kalenchira y awm nai khumi vuikanai ly adym angdengra y prau nai acha kamta peung sy.

THEU NAI 28:2

Nang i amjo Aron, pathyp pi nai keung i vui rym-ah awm iy apu parai nai ateaungchi sa pi ai nai tla.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 27:6

Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.

ISAIA 30:23

Nangchi amti amjangchi pati u nai neng tleirei y prau hai ai nai, Areng ly kani nai hai ai. Nangchi tyn ai nai amti amjangchi thawn hai iy, si, painochi py sui tlaira ka-leu nga ai.

ISAIA 45:8

Kai ly kanitui kamta, kani mang i dengdairei, eaung naira pala pi ai. Huni ai khaileaung ly am-eaung iy, tlamsa naira hawi adyh adawi naira, napi nai athaichi theu ai. Kai, Areng ly hini atitichi tym hai ai.

ISAIA 53:2

Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

ISAIA 60:15

“Nang ly khumi angso savai tlang iy nyn va nai niu ngai y naira avum nai mary lawm y leang bo. Kai ly nang ai nang parai iy apu parai nai, deungtasarei amo theu ai hawi nai mary lawm hai ai.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 33:15

Huni neng kani khala ly Davida kangpreang theung i leu meitang teaung nai leaungrei vawi patyp pi ai. Ni ly pri verei y leu meitang adyh adawi ai naichi sa ai.

JEREMIA 44:14

Aikupta pri y awm ai nai Juda pri i dengdairei theu u nai khumichi theung i ami py, huni ka-jeira i nai tleaung u ai ny y. Dei y nai ami py awm ai ny y. Nangmychi awm ali teang ai nai athang khai naimy kadeaung nai Juda pri y, nichi leaungrei py vawi u ali teang ai ny y. Ngari kamtang avum nai khumi phyrei ny y baly, ami py vawi ali teang ai ny y,” napi.

JEREMIA 44:28

Na i py nangchi theung i maidenreichychi ly dei y naimy, Aikupta pri i dengdairei Juda pri y vawi u ai. Huna nai khala y Aikupta pri y tym u nai Juda khumi heng rai naichi ly mychi i leu hawi kai i leura y, ami i leu ly teng keh mo, nanai pany u ai.

Ezekiela 34:29

Kai ly nichi ai paitiu khuta hawi nai meingtymchi pei iy, pri theung y tahum takang py tama hai ai. Cheng takhra khumichi my py nichi ai mana khala py panui hai bi ai ny y.

Ezekiela 36:8

Na i py Israela mawichira y dengkeaung keungchi ly ngam sai angpho ali teang iy, kai i khumi nang Israela chengchi i vui, athaichi athai ai. Nangchi ly kra y nai sala y nangmychi i pri y vawi ai nai nga u ai.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”

JOELA 3:18

Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.

OBADIA 1:17

“Na i py Zion mawi salo y tleaung nai khumi phyrei awm ai; hini mawi ly meingtym kachai lawm ai. Jakob i kangpreangchi ly mymychi i vui amtym ai nai nga ai. Pri amtym ai nai nga u ai.

ZEKHARIAH 3:8

Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!

ZEKHARIAH 6:12

Ati cheaungkhang sa thai nai Areng my, “Sai kadeu” nanai amyn nga nai khumi ly mymy i awm naira y nang chawn iy, Areng i Achura yhm sa palum teang ai.

ZEKHARIAH 9:17

Hini pri ly ati mana tanrei apu parai na mo ly! Thawndeang deaungdichi ly hini pri i theu nai chohpui chomaw hawi kreip hangchi cha nei iy atho awm u ai.

MALAKHI 3:17

Ati cheaungkhang sa thai nai Areng my, “Hini khumichi ly kai i khumichi lawm ai. Nichi ly kaimy tara chih nai kani y kai i khumi kypkypchi lawm ai. Ampo ly my i miseaung kamta sa nai chapo tlang tleaung y pahen nai kamta, kai py nichi tlang tleaung y pahen ai.

MATTHAI 24:22

Naibaly huni neng ai ly dawi hai moh khyly khumi nanai kangheng ha py awm ai ny y; na i py vawi takhra naichi deaungkho y huni neng ai ly dawi hai ai.

LUKA 21:36

“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II PETERA 1:16

Kaichi ly achi i Areng Isu Krista i atiti sa thai nai sai hawi mymy i ang jeu bi ai nai leuchih patawm nai ny y leang; kaichi ly mymy i nang parai nai sai niu nai keungchi ne chy bo.