ISAIA 38:14 - Khumi Common Language Bible

¹⁴ Kai i raawi ly ahyn thlyhthlyh na; kai ly buhu kamta katangam bo. Kani mang y khen angdeang nai nawi ala nai deaungkho y, kai i mei khohai na bo. Aw Areng, hini patangra i nai kai ai atleu pi kyh ba.

ISAIA 38:14 ပူးပေါင်းရင်းမြစ်များ

JOBA 17:3

Aw Tameuh, kai ly leu kahawi katheu nai ne. Kai i leu ym ba. Kai i thui nai leu ai nangmy ny y baly, pajeaung pi ai nai khumi by y.

JOBA 30:29

Kai i raawi ly khiva, ti y baly tavo kula-iu i hang nai kamta paleung ama i, ahawi nipui by y nai khumi i raawi ne.

SAM 119:82

“Kai ai mana khala sabawm ai mo?,” nanai kang deng nai khala y, nang i adeu nai ai ajeng nai ly kai i meichi khohai na bo.

SAM 143:7

Aw Areng, vaimy kai i hnei takeng nai pathang pi kyh ba! Kai ly athang khai naira pipi by y na bo. Kai ai meimai hi pi veng moh kyh ba; meimai hi pi vui lawh baly kai ly tavau kho y chei nai khumi kamta lawn ai.

SAM 55:2

Kai i hnei takeng nai tangai iy, pathang pi kyh ba; kai ly paleung bi, paleung mawn naichi hawimy, atho khei na bo.

SAM 69:3

Sabawmra nga ai nai ka-eu nai deaungkho y, kai ly atho bai na bo; kai i tao ly no bo. Nangmy sabawm ai nai angdeang ala nai deaungkho y, meichi py khohai na bo.

ISAIA 59:11

Kaichi ly jei hyn naimy paleung mawn naira avum u nai ne. Kaimychi ai ana naichi kiu i nai atleu ai nai, Tameuh ai kadeaung u teu i py, khri pa-rei akhan na i, atyhtyh teu bo.

TANGAM NAI LEU 4:17

Kaichi ly mana khala py sabawm naira tym pajau y nai kasabawmra ajeng u bo. Kaichi ly mana khala py sabawm naira pei pajau y nai pri i, kasabawmra ajeng u jojo nai ne.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

NAHUM 2:7

Samrangnu ai ly patiu veng bo; ni i aheaung apaichi ly buhuchi kamta, vo tangam u. Nichi ly paleung si nai deaungkho y, mymychi i paleung y atum u ryry bo.

NAHUM 2:8

Tui kam-eng leaung fau nai tui kamta, khumichi ly Ninevi mary i dengdairei, athorei my preang u bo! Nichi ai, Anawn! Anawn!” nanai aeu bo; na i py khen alengli teang y.

HEBRAI 7:22

hina tanrei Isu ly khrikhri pa-rei leu maikawm kahawi keh y khaw hai nai keung lawn bo.