ISAIA 38:12 - Khumi Common Language Bible

¹² Taphra vui nai tai kamta py, pe anengra i nai oh iy ajiu vui nai kanih kamta py, kai i heng nai deung ly leu baw iy tem veng bo.

ISAIA 38:12 ပူးပေါင်းရင်းမြစ်များ

JOBA 14:2

Nichi ly kaseaung kamta pau kasa iy, rawm u bo. Pa-pui kamta tama u reng nai ne.

JOBA 17:1

Kai ly dei ai nai neng kasa bo. Kai ly hawihai palai taho thai y na; kai ly tapreaung y tym ai nai awm khyh bo.

JOBA 4:20

Khumi ly khawn mang y heng naimy awm i py, dym tengsa neng y ami py dawndan y naimy dei reng nai ne.

JOBA 6:9

Mymy ly kai ai padei ai nai sa hai lawh ly!

SAM 102:11

Kai i heng nai deung ly dym ka-khui kamta ne; kai ly acha kamta jeirawm veng bo.

SAM 119:23

Peang nai keungchi ly kai ai ka-awi sa ai nai arum u bo; nang i miseaung kai ly nang i reita leaungsaichi dawn pasym ai.

SAM 31:22

Nang ly kai ai nangmy mo i dengdairei patheu veng bo, nanai y kai ly jei naimy paleung mawn parai nai ne. Na i py nang teng y kasabawmra nga ai nai aeu nai khala, nang ly kai i aeu nai raawi thai bo.

SAM 73:14

Aw Tameuh, nang ly kai ai kani khengrei patangra tym hai bo; nang ly kai ai khawn tleirei pajeng bo.

SAM 90:5

Nang ly khumichi ai tui my um hai nai kamta, tama hai pawn veng bo; nichi ly amang kamta, tanareichy awm ai nai nga u khyh. Nichi ly khawn mang y acha kamta peung.

ISAIA 1:8

Katanmeuh naira avum nai Jerusalem mary harei naini awm khyh bo. Huni mary ly mymy i vui amtang pajau y nai kreip akho typ nai tai kamta py, pajawi bai typra tai kamta py lawm nai ne.

ISAIA 13:20

Huni meingtymra y mana khala py khumichi awm ai nai nga u ai ny y. Mani Arab cheng khuleaung kacheichi py, tai sa iy anga ai nai nga u ai ny y. Mani beram typ nai keungchi py huni meingtym y, mychi i beram kanghuchi sui patlai ai nai nga u ai ny y.

II KORINTH 5:1

Ati mana nai mo nabaly achi i awm nai khaileaung i yhm ly aphrei iy py, kani mang y kiu so y nai, deungtasarei awm ai nai, Tameuh teng i yhm awm, nanai achi pany.

II KORINTH 5:4

Achi, hini awm naira y awm naichi ly kaji pho nai tangam khyp nai bo; achi ly akhiu y naimy awm ai ngai nai deaungkho y ny y leang, na i py dei thai nai ai ly hengra my pajawn pajau thai ai nai, akhiu nai awm ai ngai nai deaungkho y teu.

HEBRAI 1:12

Nang ly hunichi ai kanih kamta taeang ai, ateaung kamta khyp pa-rei. Hunaibaly hunichi ly takhra veng ai bo: Na i py nang ly huna jojo ai i, Nang i sanengchi py tem ai ny y,” napi.

JAKOB 4:14

Nangchi i heng naira ly ati mo? Kra y nai sala y amteng iy tama ali ryp veng nai tamai kamta atawm.