ISAIA 37:4 - Khumi Common Language Bible

⁴ Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

ISAIA 37:4 ပူးပေါင်းရင်းမြစ်များ

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

2 ARENG KEH 17:18

Areng ly Israela cheng ne nai khumichi ai kado theu hai nai deaungkho y, mymy mei ka-niu i nai patheu vui nai ne. Juda pri naini khai khyh bo.

2 ARENG KEH 19:4

Asuria empara samrang ly tavailu areng keh ai pato iy, Tameuh kangheng ai thui tamawn nai leu thui hai bo. Nang i Areng Tameuh ly huni leu thai iy, huna nai thui nai khumichi ai kamngo pajeng na sy. Hunai deaungkho y dei kamthum khumichi i vui Tameuh teng y chiu so pi ba,” napi.

2 NENG SATANG 28:19

Juda samrang Ahazi ly khumichi i nga sang naichi sum hai iy, Areng i tlang tleaung y ka-ym by y nai deaungkho y, Areng ly Juda pri ai patangra tym hai bo.

2 NENG SATANG 34:21

“Nangchi ly chei u iy, hini cha-iu theung i thui naichi kai i vui hawi Juda pri hawi Israela pri y awm jo rai nai khumichi i vui py Areng teng y deng pi u cham. Achi i amsi pajochi ly Areng i leu tangai u y. Reita cha-iu theung y awm naichi so patawm u y nai deaungkho y, Areng ly achi i tlang tleaung y kado theu nai bo,” napi.

SAM 106:23

Tameuh ly mymy i khumichi ai tamyh vui ai, nanai leu pei nai khala y, mymy i vawi takhra nai miseaung Mosi my paka nai deaungkho y, mymy i kado theu nai ly rym i, nichi ai tamyh y nai ne.

SAM 50:21

Nang ly hini leaungsaichi sa teu i py, kai ly kang thui y leang; Hunai deaungkho y kai ai nang hawi atawm, nanai dawn u bo. Na i py vai, kai ly nang ai kang thui kang parip ai. Nang i kamngo ai paleung theung y khai y naimy kang pany hai ai.

ISAIA 1:8

Katanmeuh naira avum nai Jerusalem mary harei naini awm khyh bo. Huni mary ly mymy i vui amtang pajau y nai kreip akho typ nai tai kamta py, pajawi bai typra tai kamta py lawm nai ne.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 10:20

Dei kamthum Israela khumichi ly mymychi ai myh kang vi pa-rei taphra nai khumichi teng y paleung pado y ai nai neng kani tym ai. Nichi ly Israela chengchi i chai parai nai Areng Tameuh ai meitang khyp, ym u tatang ai.

ISAIA 10:22

Vai i neng y Israela chengchi ly pangli spryh jirei vi nawi teu i py, phyreichi naini mymy teng y vawi u ali teang ai. Tameuh ly nichi ai tamyh ai nai paran yb nai ne. Nichi py huna nai tamyh ai nai ataing khyp bo.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 36:13

Naibaly ni ly ang thau iy Hebrai cheng leu hawi thui pi nai ly “Nangchi teng y Asuria empara samrang my thui pi nai leu tangai u.

ISAIA 36:18

Areng ly kaichi ai atleu pajau, nanai nangchi athang khai u ai nai Hezekia my tapawp nai tangai u moh! Cheng takhrachi i tameuhchi ly nichi i pri ai, Asuria empara samrang kiu i nai atleu pi sai a?

ISAIA 36:20

Huni pri bawibawichi i tameuhchi theung y mani tameuh ly my i pri ai kaichi empara samrang kiu i nai, mana khala atleu pi vai mo? Tumbaly Areng py Jerusalem mary ai atleu pajau, nanai nangchi ati mana nai athang khai u mo?,” napi.

ISAIA 37:17

Aw Areng, vai kaichi i hnei nai tangai pi kyh ly kaichi ai khen ba. Tameuh kangheng napi nai nang ai thui tamawn nai keung Senakheri i thui nai ngiereichi tangai cham.

ISAIA 37:31

Juda chengchi theung i dei kamthumchi ly khaileaung y tangjyn thiu pa-rei aviu iy athai nai thengthai keungchi kamta thawn-pa u ai.

ISAIA 37:32

Jerusalem mary hawi Zion mawi salo y khumichi ly dei y naimy awm u ai. Ati mana nai mo nabaly huna nai awm asai ai nai, ati cheaungkhang sa thai nai Areng ly dawn yb nai deaungkho y ne.

ISAIA 37:5

Samrang Hezekia i leu pei nai nga nai khala y,

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 46:3

“Aw Jakob i kangpreangchi awi, kai i khumi Israela cheng theung i awm rai naichi awi, kai i leu tangai u. Nangchi amhm taku theung y awm iy, tapen khyp khala i dengdairei, kai ly nangchi ai kang kry bo.

JEREMIA 26:19

Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

JEREMIA 42:2

kai teng y, “Kaichi i takeng nai so pi kyh ba! Kaichi i Areng Tameuh teng y kaichi i vui chiu so pi kyh. Heng jo rai nai kaichi bawibawi i vui chiu so pi. Vaichi khala ly kaichi py vuikanai nawi parai. Na i py vai ly nang i niu nai kamta, kaichi ly maidenrei chy khyh bo.

DANIELA 2:18

“Achi ly Babulon pri y awm nai takhra tau kachengchi hawi vanrei, dei ai naira avum y ai nai, kani pri mang y awm nai Tameuh my ang pahen iy khri pa-rei rai parai nai amang thui pachai kawp ai nai mymy teng y chiu so u sina,” napi.

JOELA 2:17

Maicham hawi Achura yhm katheu pa-kho sala y Areng i kalop sa nai pathyp pi nai keungchi ly vo naimy chiu sa ai; “Aw Areng, nang i khumichi ai pahen pi kyh ba. Cheng takhrachi ly ‘Nichi i Tameuh ly ma y mo?’ nanai thui i, kaichi ai niu ngai y iy panui hai u moh sy,” nanai chiu sa u ai nai tla ai.

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

AMOS 7:2

Huni akhutamachi ly pri verei i sai kangpho ngiereichi cha pawn nai kaniu. Naibaly kaimy, “Aw sa thai naira angym nai Areng, nang i khumichi i kamngo pahen pi kyh ba! Nichi ly mana heng ai mo? Nichi ly atho di parai na a!” kana pi.

ROM AVANGCHI TENG Y PAWLA I CHA PA NAI 9:27

Naibaly Isaia my py Israelachi i molam y aeu hai nai “Israela kangpreangchi ly pangli spryh jirei nawi iy py, nichi theung i nai phyreichi hengra nga ai khyh.

JAKOB 5:16

Hunaibaly no hawi ang sa pi thai ai nai nangchi i kamngo ly mang mang ahui u ly, mang mang py chiu aso u. Khumi kahawi i chiu sa nai ly khrikhri pa-rei atiti sa thai.

JOSUA 14:12

Hunai deaungkho y kai i ahawichi my satang amti pi nai kani y, Areng my pei ai, nanai adeu nai hini mawi aheung meingtym ly kai ai pei ba. Huni meingtym y tlum tlang len nai Anakim cheng ly khaw parai nai mary apaichi theung y awm u, nanai kaichi my amti pi bo. Na i py Areng ly kai hawi vanrei awm baly mymy i adeu nai kamta, kai ly tiu iy patheu pawn pajau ai, nanai takeng bo.

1 SAMUELA 12:19

Naibaly nichi my Samuela teng y, “Areng awi, kaichi dei y ai nai nang i Areng Tameuh teng y, kaichi i vui chiu so pi kyh ba; kaichi ly samrang hnei nai deaungkho y, kamngo tleaung y kamngo kasa u ra lawh bo,” napi u.

1 SAMUELA 12:23

Kai ly nangchi i vui chiu so pi y nai awm vai y leang; huni molam y Areng my pajeng moh sy; kai ly nangchi ai hawi naira naini kang thui pi ai.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 17:36

Kai ly khrangsi hawi tavym ai kapadei nai khumi ne i, Tameuh kangheng ai ym nai tavaimi ai ka-jo hau nai khumi, Tameuh by y nai Philistin khumi ai kapadei pajau.

1 SAMUELA 7:8

Samuela teng y, “Kaichi ai Philistia chengchi teng i dengdairei atleu ai nai, achi i Areng Tameuh teng y chiu so pi jojo kyh ba,” napi u.