ISAIA 37:38 - Khumi Common Language Bible

³⁸ Kanirei nai khala y ni ly my i tameuh Nisaroh i achura yhm y chiu sa; chiu nai thym khala, my i chapo Adrammele hawi Sareza nini ly samrang ai myni i haisau hawi tleh iy, Ararat pri mang y preang hawi veng bo. Takhra chapo leaungrei Esarahadon ly ampo i meingtym y atheng nai ne.

ISAIA 37:38 ပူးပေါင်းရင်းမြစ်များ

ATITI AWM ANGCHEI NAI 8:4

Lo saryhrei kani holai saryhrei kani y, paleaung pui ly Ararat mawi y apa rang bo.

2 NENG SATANG 32:14

Huni prichira awm nai mani tameuh ly mymy i khumichi ai, kai i kiu tleaung i nai atleu pi vai sai a? Huna nai ne i py nangchi i tameuh ly nangchi ai atleu pi pajau, nanai ati mana nai nangchi athang khai u mo?

2 NENG SATANG 32:19

Nichi ly Jerusalem mary khumichi i Tameuh ai, khumichi i kiu hawi sa nai mynchi napi nai, cheng takhra khumichi i tameuhchi hawi vanrei pahyh iy katheu u bo.

2 NENG SATANG 32:21

Areng ly kani pri amtaw thau ai pato iy, Asuria tavaimi risachi hawi tavai luchi ai padei hai nai ne. Naibaly empara samrang ly kangji nga naimy Asuria pri mang y vawi bo. Kanirei nai khala y ni ly my i tameuh achura yhm y awm nai thym khala, chapo phyreichi my ni ai haisau hawi tleh u bo.

EZARA 4:2

Hunai deaungkho y nichi ly Zerubabela hawi nupaichira y lu sa nai khumichi teng y chei u iy, “Achura yhm sa naira y kaichi ai py nangchi hawi vanrei abawi ai nai pei kyh; kaichi ly nangchi i chiu nai Tameuh ai chiu teang nai ne. Kaichi ai hini meingtym y awm ai nai Asuria samrang Esarahadon my ang pato nai dengdairei, huni Tameuh teng y kapathyp u nai ne,” napi u bo.

ISAIA 14:12

Aw khutawimo cho Babulon samrang, angvang phang nai khawn tempo, nang ly kani mang dengdairei tla vui lawh bo! Vaichi i neng khala nang ly khumi cheng cheaungkhangchi ai tiu bo. Na i py vai i neng y ly khaileaung y aphi su nai avum lawh bo.

ISAIA 14:9

Tavau pri ly Babulon samrang ai lamchung ai nai angveirym nai ne. Khaileaung pri y awm nai thym khala, khri pa-rei sa thai naira awm nai khumichi i phailochi ly aleaung ali u bo. Samrangchi i phailochi py, mychi i samrang atehrachira i nai ang thau u bo.

ISAIA 36:15

Areng ai paleung pado ai nai, ni my parawi teu i py, nangchi tangai u moh. Areng ly nangchi ai atleu pi ai nanai py, kaichi Asuria tavaimichi teng y nangchi i mary tiu vui ai nai pei ai ny y nanai py, athang khai u moh.

ISAIA 36:18

Areng ly kaichi ai atleu pajau, nanai nangchi athang khai u ai nai Hezekia my tapawp nai tangai u moh! Cheng takhrachi i tameuhchi ly nichi i pri ai, Asuria empara samrang kiu i nai atleu pi sai a?

ISAIA 37:10

Huni cha theung y, “Nang i paleung pado nai Tameuh my, nang ly kai i kiu y tla ai nanai leu pei nai molam y, ka-dawn tamang moh.

ISAIA 37:7

Areng ly empara samrang ai, my i pri y vawi ali teang ai nai satang sai sairei thai hai pi ai. Naibaly ni ai huni pri y my padei ai,” napi.

JEREMIA 51:27

“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.