ISAIA 37:36 - Khumi Common Language Bible

³⁶ Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

ISAIA 37:36 ပူးပေါင်းရင်းမြစ်များ

2 SAMUELA 24:16

Areng i kani pri amtaw thau my Jerusalem mary ai taphra ai nai thym khala, Areng ly khumichi ai pajeng nai molam y paleung amtlau teang i, kani pri amtaw thau teng y, “Angym bo! anawn jau!” napi. Huni neng khala kani pri amtaw thau ly Jebusi cheng Araunah i choh ati nai meingtym sahawi y angdo nai ne.

2 ARENG KEH 19:35

Huni vum y Areng i kani pri amtaw thau leaungrei ly Asuria khumichi i tai naira mang y chei iy, tavaimi risa leaung 185,000reichi ai pajeng i, kani pa-nyh khawn mang ly huni khumi bawibawichi dei u nai ne.

1 NENG SATANG 21:12

“Samrang awi, saneng thomrei takang theu nai ngai a? Lo thomrei paleung ka-echi my preng iy haisau hawi tleh nai ngai a? Kani thomrei no kanghawi kamta, Areng i haisau hawi kani pri amtaw thauchi ai pato iy, Israela pri verei y tleh nai ngai a? Hunichi theung i mani ngai mo? Kai ly Areng teng y amti pi ai,” napi.

1 NENG SATANG 21:16

Kani pri amtaw thau ly Jerusalem mary y taphra ai nai haisau syn naimy ali theung y angdo nai ai Davida my niu bo. Huna nai khala ni ly Israela miteaung kehchi hawi vanrei, khaileaung y tym pa-rei lu meung u. Nichi bawibawi ly paisiu akhiu u bo.

JOBA 24:24

Khumi hawi y nai ly tanareichy eaung naira nga reng; na i py acha kamta py, tyn vui nai choh keung kamta py, jeirawm veng reng nai ne.

JOBA 34:20

Khumi ly vum y vaimy dei leu reng; Tameuh my pajeng nai khala, khumichi ly dei u nai ne. Mymy ly atho len nai khumichi ai, rai y naimy tamyh pawn.

THEU NAI 12:23

Areng my Aikupta chengchi ai padei ai nai Aikupta pri y amki prei nai khala y, mymy ly katheu lukau, katheu laibeaung y kaleu nai thi niu baly padei keung kani pri amtaw thau ai nangchi i yhm katlenhai vui ai. Nangchi ai ati sai py so hai y leang mang.

THEU NAI 12:30

Huni vum y samrang py, mymy i bangtangchi py, Aikupta khumi bawibawichi py, ang thau u iy, vo u lengleang na bo. Ati mana nai mo na baly chapo chalu dei y nai yhm ly harei py by y nai deaungkho y ne.

ISAIA 10:12

Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

ISAIA 10:25

Nangchi ai pajeng chum baly kra y naimy kai ly nichi ai tamyh ai.

ISAIA 10:26

Ati cheaungkhang sa thai nai kai, Areng ly Oreb lengseaung sahawi y, Midian chengchi ai kai i cheaungvawi hawi parip nai kamta, nichi ai py kaparip ai. Kai ly Aikupta chengchi ai ngari kamtang tym hai nai kamta, nichi ai py ngari kamtang tym hai ai.

ISAIA 27:7

Israela chengchi ly mychi i paleung ka-echi tanrei, Areng i pajeng naira khri pa-rei avum u y, paleung ka-echi tanrei py dei u y.

ISAIA 29:5

Aw Jerusalem mary, nang ai tiu nai cheng takhra khumichi ly spryh kamta py, nichi i ka-jei hawi parai nai tavaimichi ly choh ali kamta py, vaimy ahei u pawn ai.

ISAIA 31:8

Asuria pri ly tavai sum ai. Na i py khumichi i sa thai naira haiho molam y ny y. Asuria chengchi tavai keung i nai angpreng u ai. Nichi i thawndeang deaungdichi py miseaung y achei u ai.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

MIKHA 5:6

Nichi ly tavai ateaung atho hawi Nimroda pri Asuriachi ai tiu iy eaung ai. Asuria chengchi my kaichi i khu ka-peang theung y tiu nai khala y, huni luchi ly kaichi ai paleung ka-e kiu i nai atleu ai.

NAHUM 1:12

Areng ly mymy i khumi Israela chengchi teng y, “Asuria chengchi ly atho ham iy, vuikanai nawi teu i py, taphra naira avum u iy tama u ai. Aw kai i khumichi awi, kai ly nangchi ai patang naira avum hai teu i py, mo mang y ly huna nai kamta kaso bi y ai.

NAHUM 3:3

Keaungngo atang nai risachi ly athorei my tiu u i, nichi i haisauchi hawi tivichi ly angvang thlithlup na! Kati pajau y na pa-rei nawi nanai khumi kadei veuchi ly apeung su na bo. Khumichi py huni veuchi salo y atlym u na bo.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.