ISAIA 37:16 - Khumi Common Language Bible

¹⁶ “Kheruben salo y ateh nai kani pri tavai luchi i Areng, Israela chengchi i ati cheaungkhang sa thai nai Areng Tameuh, nangmy leaungrei naini khaileaung pri verei ai peang nai Tameuh ne. Nang ly kani hawi khaileaung sa nai keung ne.

ISAIA 37:16 ပူးပေါင်းရင်းမြစ်များ

ATITI AWM ANGCHEI NAI 1:1

Tameuh my angchei y khusangdeaungdu ai sa nai khala,

2 SAMUELA 7:26

Nang i amyn ly deungtasarei amthang jojo ai. Khumichi my, ‘Ati cheaungkhang sa thai nai Areng ly Israela chengchi i Tameuh ne,’ nanai thui u jojo ai. Nangmy i miseaung Davida i samrang kangpreang py khaw hai ai.

1 ARENG KEH 18:32

Huni lengseaungchi hawi Areng ai chiu ai nai maicham sa palai nai ne. Ni ly huni maicham kamki tui palang apom phai palyhrei chei nai angawm leaunghawi tai.

1 ARENG KEH 8:6

Naibaly pathyp pi nai keungchi ly Leu Maikawm Pawm ai Achura Yhm theung y tym hai i, Khri pa-rei chai parai nai meingtymra y awm nai kherubenchi i pakhi anui y khai u bo.

2 ARENG KEH 5:15

Ni ly mymy i khumichi hawi vanrei, Elisa teng y ali teang iy, “Israela chengchi i Tameuh ny y baly, tameuh takhra by y, nanai vai ly kapany bo. Hunai deaungkho y areng awi, kai i pei nai langseaung talam ba,” napi.

EZARA 1:3

Tameuh ly mymy i khumichi hawi vanrei awm hai sy; nangchi ly Juda pri Jerusalem mary y chei iy huni mary y chiu nai Tameuh, napi nai Israela chengchi i Areng Tameuh i Achura yhm sa palum teang ai nai tla.

SAM 146:6

Mymy ly kani, khaileaung, pangli hawi vanrei, hunichi bawibawi ai sa nai ne. Mymy i ka-ym awm nai ai ly kry jojo.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 46:7

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 80:1

Israela chengchi i beram typ nai keung awi, kaichi i hnei takeng nai tangai pi kyh ba. Beram kanghuchi ai pahawi nai keung awi, kaichi i hnei takeng nai tangai pi kyh ba. Kheruben salo y awn nai keung awi,

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

SAM 99:1

Areng ly samrang ne; khumichi ly jei hyn u bo. Mymy ly kherubenchi salo y awm; naibaly khaileaung ly amchyh nai ne.

THEU NAI 25:22

Hunira y kai ly nangchi hawi avum ai; kai ly kheruben nyhrei khym salo y awm iy, Israela chengchi teng y leu pei ai nai ngiereichi ly nang teng y kang thui pi ai.

ISAIA 37:15

Naibaly hina nai chiu sa,

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 40:22

khaileaung sa pi nai keung ly kani hawi khaileaung salo y awm nai areng atehra salo y ateh nai keung ne. Kani anui i khaileaung salo y awm nai khumichi ly pa-leng sa-machi kamta theangchichy, nanai athang khai. Mymy ly kani khusang ai silleng kamta py, awm nai tai kamta py palawn bo.

ISAIA 40:28

Areng ly deungtasarei heng jojo nai Tameuh ne, nanai nangchi pany u y nai sai a? Thai u vai y nai sai a? Mymy ly khaileaung bom verei ai sa nai ne. Mymy ly mana khala py paha y, akawm nai by y. Amimi py mymy i dawn tau naichi pany pajau y.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 45:12

Kai leaungrei naini khaileaung pri ai palum iy, hunira y awm ai nai khumichi ai sa nai keung ne. Kaimy i sa thai naira hawi kani khusang ai khiu tapai iy, kanito, lo, ka-sichi ai kryme nai ne.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

ISAIA 8:13

Ati cheaungkhang sa thai nai keung Areng ly kachai ne, nanai tami vui moh. Nang i jei ai nai khumi ly kai ne.

JOHAN 1:3

Ati cheaungkhang bawibawi ai ly mymy i saho y sa nai ne: naibaly atiti sa nai bawibawi ai ly mymy ny y naimy sa nai ha py by y.

Leu Thui Nai 10:17

Nangchi i Areng Tameuh ly tameuh bawibawichi hawi areng bawibawichi tleaung y py len keh. Areng ly nang parai iy sa thai naira angym nai Tameuh, tahm khai iy jei kaji ai hawi nai Tameuh ne. Mymy ly khumi ai patleh takhra y i, un py cho y nai ne.

KOLOSA 1:16

mymy i saho y ati cheaungkhang sa nai ne iy, kani mang y awm naichi hawi, khaileaung y awm naichi py, niu thai naichi hawi niu thai y naichi py, areng atehra py, peang naira py, areng naira py, aly peang naira py, ati cheaungkhang mymy i saho y sa nai ne i, mymy i vui y py sa nai ne teang.

HEBRAI 4:16

Hunaibaly achi ly pahenra nga thai ai nai hawi, aly aeang nai neng khala y pahenra i sabawm naira nga thai ai nai py, pahen naira areng atehra mang y vam parai naimy kasa u sina.

1 SAMUELA 4:4

Naibaly nichi ly Siloh mary y savaichi pato i, Kheruben salo y awm nai ati cheaungkhang sa thai nai Areng i Leu Maikawm Pawm la u teang bo. Naibaly Eli i chapo leaung nyhrei, Hopheni hawi Phineha ly Leu Maikawm Pawm hawi vanrei abang hawi bo.