nichi i chiu sa nai ly tangai pi kyh ba. Nang i khumi Israela cheng phyreichi ly khri pa-rei paleung si paleung mawn naimy, hini Achura yhm mang y kiu pheu iy chiu sa hnei takeng lawh baly,
Areng my ni teng y, “Kai ly nang i chiu sa nai thai bo; kai ai chiu jojo nai meingtym lawm ai nai, nang i sa nai hini Achura Yhm ai kaimy khai takhra pi bo. Hini Achura Yhm ai kaimy avawrei kang khen pi ai.
Naibaly hina nai chiu sa, “Tahm asang parai nai Areng atehra salo y ateh nai Israela chengchi i Areng Tameuh awi, nang leaungrei naini khaileaung pri verei y peang nai Tameuh ne. Nang ly kani hawi khaileaung sa nai keung ne.
Patang naira tym nai neng khala y, mymy ly kai ai ang kry ai. Achura yhm y chymme naimy ang khai ai. Patang naira avum y ai nai lengseaung pui saleung y ang khai ai.
Huni khumichi i amti pi nai leu thai phai thai baly, samrang ly paleung bi i, my i ateaungchi sei iy paisiu kanih akhiu naimy, Areng i Achura yhm mang y chei bo.