ISAIA 37:11 - Khumi Common Language Bible

¹¹ Asuria empara samrang ly mymy taphra ai nai leu pacheang yb nai pri ai ati mana sa reng mo, nanai nang pany nai ne. Nangmy kypkyp malawn py kai teng i nai tleaung ai nai athang khai sai a?

ISAIA 37:11 ပူးပေါင်းရင်းမြစ်များ

ISAIA 14:17

Marychi phra hai iy khaileaung y tui by y nai daichi ka-vym lawm hai nai keung ly hini khumi a? Theaung tla naichi ai paeung jojo iy, nichi i yhm hlau y vawi ai nai pei y nai khumi ly hini khumi a?,” nanai deng u ai.

ISAIA 36:15

Areng ai paleung pado ai nai, ni my parawi teu i py, nangchi tangai u moh. Areng ly nangchi ai atleu pi ai nanai py, kaichi Asuria tavaimichi teng y nangchi i mary tiu vui ai nai pei ai ny y nanai py, athang khai u moh.

Ezekiela 31:5

Saitleang keung ly tui bym pa-rei nga nai deaungkho y, takhra keungchi tleaung y py asang; changpichi py lo nai ne.

NAHUM 3:19

Nang i angvawi i vui asi by y. Nang i tamo kalemchi ai py hawi pa-rei so thai y. Nang i phra nai satang thai nai khumi bawibawichi ly amo theu naimy kiu tabeang u bo. Amimi py, pata pajau y na pa-rei nang i ana pumpi nai sai avum y nai ha py by y.