ISAIA 37:1 - Khumi Common Language Bible

¹ Huni khumichi i amti pi nai leu thai phai thai baly, samrang ly paleung bi i, my i ateaungchi sei iy paisiu kanih akhiu naimy, Areng i Achura yhm mang y chei bo.

ISAIA 37:1 ပူးပေါင်းရင်းမြစ်များ

2 ARENG KEH 22:11

Samrang ly phain pi nai Reita leu thai nai khala y paleung si i, ateaung sei vui bo.

2 NENG SATANG 32:20

Huna nai khala y samrang Hezekia hawi Amoz i chapo amo Isaia nini ly kasabawmra nga ai nai Tameuh teng y aeu naimy chiu sa hawi bo.

EZARA 9:5

Dym mang apathyp ai nai neng tym nai khala y kai ly tangam naimy atehra i nai ang thau iy aseih nai ateaungchi hawimy kheukhu di iy, kai i Areng Tameuh teng y kiu pheu naimy chiu kasa bo.

ESTHER 4:1

Hina nai leaungsai bawibawi ai Modekai pany nai khala y khri pa-rei paleung bi i, mymy i ateaungchi sei iy paisiu akhiu, lu y maidym aphui bo. Naibaly ni ly khri pa-rei vo hang naimy samrang yhm katheu pa-kho y tym pa-rei, mary tako prei bo.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

ISAIA 36:22

Naibaly Elijakim, Shebana hawi Joahchi ly paleung si paleung mawn naimy, mychi i ateaungchi sei iy Asuria tavailu areng i leu ai, samrang teng y chei iy amti pi bo.

ISAIA 37:14

Samrang Hezekia ly huni cha ai savaichi teng i nai la iy phain chum baly, Achura yhm mang y chei iy Areng i mo y khai bo.

JEREMIA 26:19

Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

JEREMIA 36:24

Na i py cha aeangra abawi nai leu sai bawibawichi thai nai samrang py, bangtangchi py jei hyn y, uikheih nai ka-ma-ra py patei u y.

MATTHAI 11:21

“Aw Korazin awi! Nang ly taham si! Aw Bethsaida awi! Nang ly taham si! Nangni i meingtym y atiti rengrang sa naichi ly Tura hawi Sodom avang y sa nai ne iy khyly, nini ly jangni ka-so paisiu kanih akhiu iy, maiphu ataphum naimy uikhei pawn ai bo.