ISAIA 36:8 - Khumi Common Language Bible8 Kai ly empara samrang i amyn y tau iy, nangchi hawi kamjau kamteang a-awi ai. Nangchi ly keaungngo atang nai risa leaung sang nyhrei kalym kalawi pajau ai nabaly, nangchi teng y keaungngo sang nyhrei kang pei ai. အခန်းကိုကြည့်ပါ။ |
Naibaly samrang Senakheri ly my i tavailu areng ai Lakhisa mary i tavaimi kanghuchi hawi Jerusalem mary y chei iy, samrang Hezekia teng y apasum ai nai thui hai bo. Tavailu areng py tleng tuikan dengdairei leaung kathiu nai tuilam sahawi, kanih aneng nai khumichi i kalop sa nai meingtym lam py peang vui bo.
Naibaly Asuria tavailu areng my thui bi nai ly “Nangchi my, ‘Kaichi ly kaimychi i Areng Tameuh ai paleung pado,’ nanai kai teng y thui u ai a? Hezekia ly Areng ai chiu ai nai meingtymchi hawi maichamchi taphra iy, Juda khumichi hawi Jerusalem mary i khumichi ai, Jerusalem mary y awm nai maichamra y naini chiu u ai nai leu pei nai ne.