ISAIA 36:20 - Khumi Common Language Bible

²⁰ Huni pri bawibawichi i tameuhchi theung y mani tameuh ly my i pri ai kaichi empara samrang kiu i nai, mana khala atleu pi vai mo? Tumbaly Areng py Jerusalem mary ai atleu pajau, nanai nangchi ati mana nai athang khai u mo?,” napi.

ISAIA 36:20 ပူးပေါင်းရင်းမြစ်များ

1 ARENG KEH 20:23

Samrang Benhada i bangtangchi my, “Israela chengchi i tameuhchi ly mawi peang nai tameuhchi ne nai deaungkho y, Israela chengchi my achi ai pajau nai ne; achi ly nichi hawi adym y atiu ai nai tla lawh teu i khyly, nichi ai pajau takengkei ai.

1 ARENG KEH 20:28

Amo leaungrei ly samrang teng y chei iy, “Areng my, ‘kai ly mawi peang nai tameuh ne; adym ai ly peang y leang, nanai Suria chengchi my thui nai deaungkho y, nichi i khri pa-rei nawi nai tavaimi kamkawm ai, nang i kiu y kang-au ai; kai ly Tameuh ne, nanai nang hawi vanrei nang i khumichi pany u ai,’ nanai leu ang pei,” napi.

2 NENG SATANG 32:15

Vai ly nangchi ai Hezekia my li-tapawp moh sy; ni i leu ai nangchi ym u moh! Mani pri i tameuhchi ly my i khumichi ai Asuria empara kiu i atleu pi nai awm vai y leang. Hunai deaungkho y nangchi i tameuh py, nangchi ai atleu pi pajau y leang!,” nanai thui hai nai ne.

2 NENG SATANG 32:19

Nichi ly Jerusalem mary khumichi i Tameuh ai, khumichi i kiu hawi sa nai mynchi napi nai, cheng takhra khumichi i tameuhchi hawi vanrei pahyh iy katheu u bo.

SAM 50:21

Nang ly hini leaungsaichi sa teu i py, kai ly kang thui y leang; Hunai deaungkho y kai ai nang hawi atawm, nanai dawn u bo. Na i py vai, kai ly nang ai kang thui kang parip ai. Nang i kamngo ai paleung theung y khai y naimy kang pany hai ai.

SAM 73:9

Nichi ly kani pri mang y awm nai Tameuh ai mei aniu y nai leu katheu iy, khaileaung pri y awm nai khumichi ai kado theu naimy leu pei u bo.

THEU NAI 5:2

Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.

ISAIA 36:15

Areng ai paleung pado ai nai, ni my parawi teu i py, nangchi tangai u moh. Areng ly nangchi ai atleu pi ai nanai py, kaichi Asuria tavaimichi teng y nangchi i mary tiu vui ai nai pei ai ny y nanai py, athang khai u moh.

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

Ezekiela 35:13

Nang ly kai ai ka-awi sa iy atyhtyh naimy amlyh nai leu katheu nai py, kai ly thai nai ne,” napi.

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.