ISAIA 36:14 - Khumi Common Language Bible

¹⁴ Huni samrang my, nangchi ly Hezekia i tapawp naira y tangai u y ai nai, pany hai pi nai ne. Hezekia ly nangchi ai atleu pajau y leang.

ISAIA 36:14 ပူးပေါင်းရင်းမြစ်များ

2 ARENG KEH 19:22

Nang ly ami ai thui tamawn nai mo, nanai nang pany a? Nang ly Israela chengchi i chai parai nai kai Tameuh ai tahm khai y lawh ly.

2 NENG SATANG 32:11

Hezekia my nangchi i Areng Tameuh ly nangchi ai kai i kiu tleaung i nai atleu ai, nanai thui bo. Na i py Hezekia ly nangchi kajeu ka-lam y dei u tliu ai nai parawi hyp nai leu teu.

ISAIA 36:15

Areng ai paleung pado ai nai, ni my parawi teu i py, nangchi tangai u moh. Areng ly nangchi ai atleu pi ai nanai py, kaichi Asuria tavaimichi teng y nangchi i mary tiu vui ai nai pei ai ny y nanai py, athang khai u moh.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

DANIELA 7:25

Ni ly tahm asang parai nai Tameuh ai ka-awi leu katheu iy, mymy i khumichi ai ana ai. Ni ly Tameuh i khumichi i reita pawichi hawi reita leaungsaichi py, takhra hai vui ai nai atho sa ai. Tameuh i khumichi py, ni i sa thai naira anui y saneng thomrei bo y lo tariurei awm u ai.

II THESALONIKA 2:4

Ni ly Tameuh nanai amyn pathi nai ngierei ai hawi chiu nai amjy bawibawi ai tiu nai, nichi i tlang tleaung y tahm apasang ai; hunaibaly ni ly Tameuh i achura yhm kalen pui y ateh iy Tameuh kamta apalawn ai.