ISAIA 35:5 - Khumi Common Language Bible

⁵ Mei kamjuchi ly mei angvang u ai. Kano kapangchi py kano ha u ai.

ISAIA 35:5 ပူးပေါင်းရင်းမြစ်များ

JOBA 33:16

Mymy ly my i leu pei naichi ai thai hai pi bo; nichi ly mymy i pany hai nai leu thai i, jei hyn u bo.

SAM 146:8

Atlym nai khumi bawibawichi ai pathau ali teang bo; mymy ly khumi kahawichi ai tamen nai ne.

THEU NAI 4:11

Huna nai khala Areng my, “Khumi ai ami my leu katheu hai mo? Khumi ai ami my kano pang hai mo? Khumi ai mei angvang hai nai, ti y baly mei paju hai nai keung y ami mo? Kai Areng my ny y lawh sai a?

LEU KACHENG 20:12

Areng ly niu thai nai mei hawi tangai thai nai kanochi py sa pi nai ne.

ISAIA 29:18

Huni neng kani tym nai khala y, kano kapangchi ly cha phain nai katyn thai ai. Kaveng theung y awm nai mei kamjuchi ly mei angvang iy niu u ai

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 42:18

Areng my, “Nangchi kano kapangchi awi, tangai u! Nangchi mei kamjuchi awi, khen u!

ISAIA 43:8

Tameuh my, “Kai i khumichi ai tara jeung y palau u. Nichi ly mei awm naimy niu u y. Kano awm naimy thai u y lawh ly!

ISAIA 48:8

Nangchi ai ym ai nai aso y nai py, nangchi ly tapen khyp khala i ka-so langmeang thau naichi ne, nanai amthang nai py kapany. Naibaly hini atiti satangchi ai, nangchi ly mana khala py thai y, pany kawp y. Vaichi khala my nangchi ly kano thai y.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

ISAIA 50:5

Areng ly kai ai pany thai naira pei nai deaungkho y, kai ly mymy ai tiu ai ny y. Mymy teng i nai py amphri vui y ai.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

MATTHAI 12:22

Naibaly hunai thym khala y ly mei kamju leu katheu thai y nai, vawinam my nam nai leaungrei ai mymy teng y pahawi u i, mymy ly ni ai hawi sa pi: naibaly leu katheu thai y nai khumi ly leu katheu thai i, niu py niu thai bo.

MATTHAI 21:14

Naibaly achura yhm kalen pui y ly mei kamjuchi hawi kheu kangbaichi ly mymy teng y chei u i, mymy ly nichi ai hawi sa pi bo.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

JOHAN 11:37

Na i py phyreichi ly, “Hini khumi mei kamju i mei angvang hai nai keung my ly hini khumi ai py dei hai y ai nai pajeu y a?” napi.

JOHAN 9:39

Isu my ly, “Mei kamjuchi mei angvang thai ai nai hawi mei kangvangchi ly mei paju thai ai nai py kai ly hini khaileaung pri y tara chih ai nai kang jeu nai ne,” napi.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.