ISAIA 35:4 - Khumi Common Language Bible

⁴ Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 35:4 ပူးပေါင်းရင်းမြစ်များ

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

SAM 116:11

“Kai ly khri pa-rei paleung mawn naira avum bo,” nanai py, kathui nai khala y, Areng ai ym veangveang nai ne.

SAM 145:19

Nang ly nangmy ai jei naimy tahm khai nai khumi bawibawichi i ngai naichi sabawm pi; nichi i aeu nai raawi thai iy atleu pi bo.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

SAM 94:1

Aw Areng, nang ly kamngo pajeng ai nai aly peang nai Tameuh ne; nang i kado theu nai amteng hai ba!

ISAIA 1:24

Hunai deaungkho y sa thai naira angym nai Israela chengchi i Tameuh, ati cheaungkhang sa thai nai keung Areng my leu pei nai vai, tangai ba. Mymy ly “Kai ly kaimy i paleung ka-e napi nai nangchi ai vawitheung tha ai i, nangchi ly kai ai mana mo i py, khrukhra hai pajau ai ny y.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 28:16

Vai, ati cheaungkhang sa thai nai keung Areng my leu pei nai ly “Kai ly Zion y khaw parai pa-rei langdeng kapala ai. Kai ly ‘Hawihai palai ym naimy athang khai nai khumi ly kham tanga naimy ajeng nai ne,’ nanai tajiu typ nai cha abawi nai, khaw parai nai taki i lengseaung ai py, huni langdengra y khai pi ai.

ISAIA 31:5

Tavo ly my i tabu salo mang akheang taki naimy cho ai kry nai kamta, ati cheaungkhang sa thai nai keung Areng ly Jerusalem mary ai ama hai iy, paleung ka-echi ai tiu ai,” nanai kai ai leu pei nai ne.

ISAIA 32:4

kado theu nai paleung hawi so y naimy tau kacheng hawi sa iy, meitang khyp katheu u ai.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 34:8

Hini neng ly Zion mary ai Areng my atleu iy, huni mary i paleung ka-echi ai vawitheung tha ai nai neng ne.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 37:6

Isaia ly “Areng my mymy ai Asuria chengchi i mei aniu y nai leuchi thui nai molam y, paleung khrukhra y ai nai nang ai leu pei nai ne.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 44:2

Kai ly nangchi ai sa nai keung Areng ne. Nangchi tapen khyp khala i dengdairei, nangchi ai kang sabawm bo. Jei u moh, nangchi ly kai i miseaung, kai my kang tamen iy, vawi takhra nai khumichi ne.

ISAIA 47:3

Nang ly tahm panem naira avum ai i, kangji nga iy tlang ka-keu awm nai ly khumichi my niu u ai. Kai ly nang ai vawitheung tha ai. Kai ai ami my py paka pajau ai ny y,” napi.

ISAIA 49:25

Areng my, “Vai tym ai nai leaungsai ly hina nai kamta ne. Tavaimi risa my patiu iy langheng hawi naichi ai kaimy patleaung vui ai. Samrang hawi y naichi i nga nai vawnsaichi ai, kaimy pakym vui ai. Kai ly nang ai tiu nai khumichi ai tiu iy, nang i cho chanauchi ai atleu ai.

ISAIA 49:4

“Kai ly kalopchi kasa, na i py ati sai py ny y lawh! Kai ly atho naini kakheih teu ni ly ati sai py amcheang y, nanai katheu bo. Na i py kai ly kaimy i kalopchi amsym ai nai Areng ai ym na sy. Mymy ly kai i sa nai kalop molam y, kawn vangchi ang pei ai.

ISAIA 59:18

Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

ISAIA 61:2

Areng ly mymy i khumichi ai atleu iy, paleung ka-echi ai taphra nai neng tym bo, nanai thai hai ai nai kai ai pato bo. Paleungsi tangam nai khumi bawibawichi ai awmnem naira pei ai nai,

ISAIA 63:4

Kai ly kaimy i khumichi ai atleu ai nai neng tym bo. Nichi i paleung ka-echi ai pajeng ai nai adawn yb veng bo.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

ISAIA 7:4

Ni ai tau awm ai nai, paleung khaw ai nai, kaso theu y ai nai hawi paleung khrukhra y ai nai thui pi. Samrang Rezin hawi vanrei Suria khumichi i kado theu nai hawi samrang Pekah i kado theu nai ly maisaku nyhrei mang theu nai maikhyh tanrei, ka-jeira pei pajau y leang.

DANIELA 10:18

Hunai bo y khumi i mo-cha awm naimy ly kai ai amkhaw nai khala y, kai ly atho awm teang bo.

DANIELA 10:19

Ni my, “Tameuh ly nang ai tamen nai ne. Hunai deaungkho y paleung mawn moh, jei moh,” ang napi. Hini leu thai nai khala kai ly atho awm teang chum baly ni teng y, “Areng awi, nang i thui ai awm nai ly thui ba. Nang ly kai ai awm hai nem ba,” napi.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

HAKAI 2:4

Na i py aw mipuichi awi, paleung atho di u mo? Kai ly nangchi hawi vanrei awm nai ne iy, nangmychi sa ai awm nai kalop naini, nangchi so u.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

LUKA 21:28

Naibaly hina nai atitichi tym angchei nai khala y ly khen u kalau ly, angdeang u, ati mana nai mo nabaly nangchi ai atleu ai naira ly kasa nai bo,” napi.

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

I THESALONIKA 5:14

Nangmychi tengtawi aly nai awm u. Naibaly amjo amnauchi awi, reita ny y nai kamta awm naichi ai ly parip u ly, vam y naichi ai pachei u ly, ham y naichi ai sabawm u ly, bawibawichi teng y amnym naimy awm u.

II TIMOTHEI 2:1

Hunaibaly kai i chanau awi, nang ly Krista Isu y awm nai pahenra deaungkho y ham naira nga ryh nga ryh nai awm ba.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

AMTENG HAI NAI 22:20

Hini leu thui pi nai keung ly, “Ne, kai kang jeu praw ai,” napi. Amen. p Areng Isu awi, jeu jau ba.

1 SAMUELA 23:17

ni teng y, “Jei moh, kai i ampo Sawla ly nang i tlang tleaung y ka-jeira tym hai pajau ai ny y leang; nang ly Israela chengchi i samrang lawm ai nai py, kai ly nang i bangtang lawm ai nanai py, ni ly pany hawihai bo,” napi.