ISAIA 35:2 - Khumi Common Language Bible

² Daichi ka-vym ly amo theu nai deaungkho y khulym thui nai aeu u ai. Lebanon mawi kamta apu parai naimy, Karamela hawi Sharon mawi aheung li khaileaungchi kamta, amti amjang thawn ai. Khumi bawibawichi ly Areng i nang parai nai ai py, mymy i sa thai naira phum-ang py niu u ai.

ISAIA 35:2 ပူးပေါင်းရင်းမြစ်များ

1 NENG SATANG 16:33

Areng ly khaileaung pri y peang ai nai ang jeu nai khala, daichi theung y awm nai dengkeaungchi ly amo theu u ai.

1 NENG SATANG 5:16

Nichi ly Bashan pri hawi Kilead pri i marychi ra py, Sharon acha prangchi jeungrei py awm u bo.

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 72:16

Pri theung y teicha teinei awm ma mang sy; Lebanon mawi y ly dengkeaung thengreungchi hawi, vengkhiu naimy awm nai kamta, mawichi ly amti amjangchi hawi kawi na naimy awm sy; mary kalenchira y awm nai khumi vuikanai ly adym angdengra y prau nai acha kamta peung sy.

SAM 72:19

Amyn nang parai nai ai avawrei palo u! khaileaung pri verei y nang parai nai kawi hai sy. Amen! Amen!

SAM 89:12

Nang ly tosyh ngan hawi tokalawi ngan ai sa nai ne. Tabor mawi hawi Heramon mawichi ly nang ai amo theu naimy palo u bo.

SAM 97:6

Mymy i neaung hawi nai saichi ai kani khusang ly amthang hai i, khumi bawibawichi ly mymy i nang parai nai sai niu u nai ne.

THEU NAI 16:7

Khawn khutawi baly Areng i nang parai nai sangso kangvang ly angvang teaung nai nangchi niu u ai. Mymy ly nangchi i josei nai thai bo, achi ly mymy i leu pei naichi naini sa ai nai tla khyh,” napi.

Solomon i khulym 2:1

Kai ly Sharon adym ra prau nai daichi kaseaung pau hawi, mawi leaunghawira y prau nai jeupawm pau ne.

Solomon i khulym 7:5

Nang i lu ly Karamela mawi ka-sang kamta asang hyp bo. Nang i khui nai sam ly khawitangeung kamta sadi iy, samrang ai malawn py meicho num hai pajau nai ne.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 27:6

Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.

ISAIA 32:15

Na i py Tameuh ly mymy i phailo ai achi teng y pato pi ali teang ai. Huna nai khala y khaileaung ka-keuchi ly khaileaung kahawichi lawm iy, li khaileaungchira i amti amjangchi neangneang theu ai.

ISAIA 33:9

Huni pri py jengha iy khumi angso savaitlang veng bo. Lebanon daichi py aurui na veng bo. Khaileaung khuta hawi nai Sharon leaunghawi py, tui by y nai daichi ka-vym kamta lawm iy, Basen mawi hawi Karamela mawi y awm nai dengkeaung keungchi ly ngam vui be veng bo.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 40:5

Huna nai khala y Areng i nang parai nai ly amteng ai i, khumi angso bawibawichi ly huni nang parai nai niu u ai. Huna nai tym ai nai Areng mymy kypkyp my adeu pi nai ne,” nanai aeu bo.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 41:19

Kai ly khutaha daichi ka-vym y saitleang keung, thaneaung keung, preaungmui keung hawi olive keungchi prau hai ai. Dengkeaung keung prau y nai meingtym y, maicha keung amjyjychi hawi saitleang keungchi abawi nai thengreungchi lawm ai.

ISAIA 49:13

Kani khusang awi, khulym thui! Khaileaung awi, amo theu naimy khulym thui! Mawichi ly raawi pajeng parai naimy, khulym thui u sy! Areng ly mymy i khumichi ai, awmnem naira pei ai. Mymy ly ngari kamtang avum nai mymy i khumichi ai pahen ai.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

ISAIA 60:13

“Aw. Jerusalem mary, nang ai kang palum teang iy, kai i Achura yhm khen apu hai ai nai hawi, Kai i kheu chiura meingtym nang parai hai ai nai nichi ly Lebanon daichi theung i vawi patyp nai maicha keung, tadera keung hawi tasura keungchi ai nangchi teng y ang syn pi ai.

ISAIA 60:19

“Kanithun y kanito py, vum y lo py, nang i kangvang lawm ai ny y. Kai, Areng naini, nang i vui deungtasarei kangvang lawm ai. Kai i nang parai nai kangvang sangso ly nang i tlang tleaung y angvang ai.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 66:10

Jerusalem mary ai paleung apei nai khumichi awi, ni hawi vanrei amo theu u; ni i vui amo theu u! Huni mary i vui paleung si vo tangam nai khumi bawibawichi awi, vaimy ni hawi vanrei amo theu u!

ISAIA 66:14

Hina naichi niu nai khala y nangchi ly amo theu u iy, tlang atho awm ai. Naibaly Areng ly mymy i leu tangai nai khumichi ai sabawm iy, paleung ka-echi ai ly kado theu naira tym hai bo, nanai nangchi pany u ai,” napi.

HOSEA 14:5

Kani tui ly jengha nai khaileaung y suino hai nai kamta, kai ly Israela khumichi ai tlamsa hai ai. Nichi ly kaseaung kamta pau amthym u ai. Lebanon mawi i dengkeaung keung kamta, tangjyn aviu ai.

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

ZEKHARIAH 10:7

Israela khumichi ly tavaimi risachi kamta, atho awm naimy kreip hang nei nai khumichi kamta amo theu u ai. Nichi i katu chanauchi ly hini eaung naira pany u jo iy, Areng i sa pi nai saho y amo theu u ai.

JOHAN 12:41

Isaia my ni i nang parai nai sai niu nai deaungkho y hunai kamta thui, mymy ly ni i satang py pany hai.

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

AMTAW 9:35

Naibaly Ludda hawi Saron adym y awm naichi bawibawi ly mymy ai niu i, Areng mang y mo hi u bo.

ROM AVANGCHI TENG Y PAWLA I CHA PA NAI 10:15

Naibaly pato nai ny y baly leu ly mana thui u ai mo? “Atiti Satang Kahawi kawn ai awm nai tym hai nai keungchi i kheu ly khri pa-rei apu na ly, nanai tajiu nai kamta.

ROM AVANGCHI TENG Y PAWLA I CHA PA NAI 15:10

Naibaly, “Nangchi Cheng Takhrachi awi, Mymy i khumichi hawi kawn u,” napi bi.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

JOSUA 19:26

Alam Meleh mary, Amad mary, hawi Mishal marychi abawi. Nidym khujyh ly Karamela mary hawi Shihor Libnath marychi ai takoleu bo.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.