ISAIA 35:10 - Khumi Common Language Bible

¹⁰ Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 35:10 ပူးပေါင်းရင်းမြစ်များ

SAM 107:2

paleung ka-echi kiu i nai Areng my atleu bo. Nidym nisi, tosyh tokalawi y awm nai

SAM 126:2

Achi ly khrikhri pa-rei panui u iy, amo theu naimy khulym thui ai nai nga u bo! Huna nai khala takhra khumichi my, “Areng ly hini khumichi i vui nang parai nairachi sa pi na a,” nanai thui u bo.

SAM 126:5

Mei katui tla naimy amti amjang pati nai khumichi ai ly amo theu parai naimy amti amjang pakym achu ai nai pei pi kyh ba!

SAM 14:7

Israela chengchi ai atleu nai pahenra ly Zion mawi i dengdairei theu hai sy. Areng ly Israela chengchi ai amtheaung hai aliteang nai khala, nichi ly khri pa-rei amo theu u ai!

SAM 51:8

Amo theu nai raawichi ai, kai thai ai nai pei kyh ba; nang ly kai ai paleung phra atho di hai teu i py, kai ly amo theu ali teang ai.

SAM 84:7

Nichi ly tako nai tarawi y atho nga u ra nai ne; Zion mawi salo y tameuhchi i Tameuh ai niu u ai.

ISAIA 1:27

Areng ly hawi nai deaungkho y, mymy ly Jerusalem mary hawi uikheih nai khumi ngiereichi ai atleu ai.

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 35:2

Daichi ka-vym ly amo theu nai deaungkho y khulym thui nai aeu u ai. Lebanon mawi kamta apu parai naimy, Karamela hawi Sharon mawi aheung li khaileaungchi kamta, amti amjang thawn ai. Khumi bawibawichi ly Areng i nang parai nai ai py, mymy i sa thai naira phum-ang py niu u ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 60:20

Kai, Areng ly nang i vui kanito, lochi tleaung y akan keh nai deungtasa kangvang lawm ai. Hunaibaly nang i vo tangam nai kanichi ly kheih vui ai.

ISAIA 61:7

Nangchi i kangji kangai nga nai hawi sum nairachi ly tem ai bo. Nangchi ly naimychi i pri y awm naimy, nangchi i yhmtheaungchi py, phy nyhrei nang panawi bi ai. Nangchi ly deungtasarei amo theu ai nai nga u ai.

ISAIA 65:18

Kai i sa nai kalopra y amo theu u jojo ba. Kai i sa nai Jerusalem mary kangtha ly khri pa-rei amo theu iy, huni mary i khumichi py amo theu u ai.

ISAIA 65:19

Kaimy kypkyp malawn py, Jerusalem mary deaungkho y py, huni mary i mipuichi deaungkho y py, amo theu ai. Huni mary y vo nai hawi kasabawmra hnei nai khumichi awm ai ny y.

ISAIA 9:3

Aw Areng, nang ly nichi ai khri pa-rei amo theu ai nai pei bo. Nang ly nichi ai amo theu hai bo. Khumichi ly amti amjang pakym nai neng khala py, atiura i vawnsaichi phy amji u nai neng khala py, amo theu u nai kamta nichi ly nang i sa naichi molam y amo theu u nai ne.

JEREMIA 30:19

Huni meingtym y awm nai khumichi ly palo nai khulym thui u iy, nichi ly amo theu naimy aeu u ai. Kai ly nichi ai khumi peung hai ai i, tahm kapasang ai.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

JOHAN 16:22

Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang.

I TIMOTHEI 2:6

mymy py khumi, Isu Krista ne, ni ly khumi bawibawichi i atleu naira lawn ai nai apei bo; huni ly neng khyp nai khala y pany hai nai awm bo;

JUDA 1:21

Phailo Kachai y chiu sa naimy deungtasarei hengra nga ai nai pa-rei achi i Areng Isu Krista i pahen naira ajeng nai tarawi y Tameuh i tamen naira y akry u.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.