ISAIA 34:6 - Khumi Common Language Bible

⁶ Mymy i haisau ly apathyp nai beram mi-ichi i thi, thauchi hawimy kajeu kawi nai kamta, huni khumichi i thi, thauchi hawimy kajeu kawi ai. Hini apathyp nai pawi ai Areng ly Bozarah mary y sa ai. Hini khumi ai tleh nai pawi pui ly Edom pri y sa hai ai.

ISAIA 34:6 ပူးပေါင်းရင်းမြစ်များ

2 SAMUELA 1:22

Atho awm nai khumichi ai ko naira y py, paleung ka-echi ai padei naira y py, Jonathan i thailiho ly ham parai iy, Sawla i haisau ly pahyp y nai ne.

SAM 137:7

Aw Areng, Jerusalem mary ai peang vui nai neng khala y, Edom khumichi i sa nai sai pany pi jo kyh ba. “Hini mary ai khaileaung hawi angeng pa-rei panawi vui,” nanai huni khumichi i thui nai leu ai pany pi jo kyh ba.

ISAIA 29:2

naibaly Tameuh ly “Tameuh i maicham,” nanai amyn pathi nai mary y ka-jeira naini tym hai ai. Khumichi ly vo tangam u ai. Mary verei py kapathyprachi talam nai maicham lawm vui ai.

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

ISAIA 63:3

Areng my, “Kai ly khumi cheng cheaungkhangchi ai kreip athaichi kamta, ati piu veng bo. Ami py kai ai sabawm ai nai jeu y. Kai ly kado theu nai deaungkho y, nichi ai ati piu naira y kai i ateaungchi ly nichi i thi abawi nai ne.

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 25:34

Kamkawm luchi awi, vo tangam u; kai i khumichi ai kry nai beram typ nai keungchi awi, khri pa-rei aeu u! Paleungsi naimy spryhchira y jawn u tlawntlan. Ang padei ai nai neng tym bo i, nangchi ly beram kataichi kamta dei u ai.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

JEREMIA 49:13

Bozarah mary ly niu nai khumichi jei hyn ai hawi nai, khumi angso by y nai meingtym lawm hai ai nai py, khumichi ly huni mary ai panui hai iy, huni mary i amyn ai vaineng abeu naira y teaung ai nai py, kaimy kypkyp my vaineng abeu nai ne. Tengpang sahawi i avang bawibawichi ly phra seaungkhrang naimy awm jojo ai. Hini ly kai Areng i thui nai leu ne,” napi.

JEREMIA 49:7

Ati cheaungkhang sa thai nai keung Areng ly Edom pri molam y, “Edom khumichi ly paleung ka-dawn kahawi by y na bo sai a? Nichi i khumi kachengchi py, ati mana sa ai nai avo mo, nanai tau pei pajau y na bo sai a? Nichi i cheng nairachi ly tama be veng bo a?

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

JEREMIA 51:40

Kai ly nichi ai beram chochi kamta py, mi-i kataichi, beram kataichi kamta py tleh ai nai kapahawi ai. Hini ly kai Areng i thui nai leu ne,” napi.

Ezekiela 21:10

Tleh ai nai haisau ai chiu pa-rei kata theih na bo, amlo sadi kamta sadi ai nai kachi pyn bo. Kai i khumi Juda my peang nai areng cheaungvawi molam y, amo theu pajau ai ny y; huni areng cheaungvawi ly haisau hawi pajeng naira avum ai.

Ezekiela 35:15

nang phra nai thym khala py, khaileaung pri verei amo theu u ai nai, kai ly nang ai khumi angso savai tlang nai meingtym lawm hai ai. Seira mawi napi nai Edom pri verei ly khumi angso savai tlang nai meingtym lawm ai. Huna nai khala kai ly Areng ne, nanai khumi lutengchi my pany ai,” napi.

Ezekiela 35:8

Mawichira y khumi veuchi hawimy kawi hai ai. Tavai keung y dei nai khumichi i veu ly mawi aheungchi, tavo micheaungchi, leaunghawichira y kawi cheng na ai.

AMOS 1:11

Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

ZEPHANIAH 1:7

Areng my tara chih ai nai neng ly ang tym ai bo. Hunai deaungkho y mymy i mo y chymme naimy awm u. Areng ly mymy i khumichi ai pathyp ai nai angveirym i, Judachi ai lawm ai nai, paleung ka-echi ai palau bo.

Leu Thui Nai 32:14

Nichi i sichi, mi-ichi my kanu tui neangneang nga hai; nichi ly ti hawi keh nai sichi, beramchi hawi mi-ichi awm iy, lym patyp nai chohpui hawi, hawi keh nai kreip hang py cha nei ai nai nga u bo.

Leu Thui Nai 32:41

Kai ly sadi nanai haisau kata iy, meitang naimy tara chih ai. Kai i paleung ka-echi ai vawitheung tha iy kai ai niu ngai y naichi ai ly pajeng ai.