ISAIA 34:1 - Khumi Common Language Bible

¹ Aw khumi cheng cheaungkhangchi awi, jeu u! jeu angym iy tangai u. Khaileaung pri verei y awm nai khumi ngiereichi ly hini meingtym y jeu iy tangai u ai nai tla.

ISAIA 34:1 ပူးပေါင်းရင်းမြစ်များ

ATITI AWM ANGCHEI NAI 6:13

Tameuh my Nova teng y, “Kaimy khumi angso bawibawichi ai tamyh vui ai nai dawn bo. Ati mana nai mo nabaly khaileaung pri ly khumichi i atho y khrukhra hai nairachi kawi nai deaungkho y kai ly nichi ai katamyh keng ai.

SAM 24:1

Khaileaung pri hawi khaileaung pri y awm nai ngiereichi ai py, khaileaung hawi khaileaung salo y heng nai amjy bawibawichi ai py, Areng my peang nai ne.

SAM 50:1

Ati cheaungkhang sa thai nai Tameuh, napi nai Areng my leu pei bo. Mymy ly nisi mang dengdairei nidym mang y tym pa-rei, khaileaung pri verei y palau nai ne.

SAM 96:10

“Areng ly samrang ne! Mymy ly khaileaung pri y khaw hai nai deaungkho y asyh thai y bo; mymy ly khumi bawibawichi ai leu meitang naimy tara chih ai, nanai khumi cheng cheaungkhangchi teng y thui pi u.

ISAIA 1:2

Areng my, “Khaileaung hawi kani khusangchi awi, kai i leu pei nai tangai u! Kaimy pacho panei nai deaungdichi ly ang tiu u lawh bo.

ISAIA 18:3

Khaileaung pri y awm nai khumi bawibawichi awi, khaileaung salo y awm u nai khumi bawibawichi awi, tangai u! Mawi saleungra y pado ai nai ka-ma-ra tamkhawn ai khen angdeang u!

ISAIA 33:13

Kamlo kangsara y awm nai khumi ngiereichi ly kai i sa nai satangchi thai iy kai i sa thai naira pany u na mang,” napi.

ISAIA 41:1

Tameuh my, “Nangchi kamlo prichi awi, tyn kryh y naimy kai i leu tangai u! Nangchi i molam jeung y tym ai nai angvei u rym; Nangchi ly akhi nai leu thui ai nai nga u ai. Ami i teng mo, nanai chih pi ai nai achi angym u sina.

ISAIA 43:9

Khumi cheng cheaungkhangchi ai tara chih naira y palau u. Nichi i mani tameuhchi ly mo mang i satang thui pajau ai mo? Mani tameuhchi ly vai tym nai atitichi ai thui yb nai awm mo? Huni tameuhchi ly mychi i sa nai kateng ne, nanai ka-ma-ra patei pajau ai nai hawi, mychi i thui nai kamta teng khyp nai saichi ka-ma-ra patei pajau ai nai, pany hai pi nai keungchi ai hawi u na sy.

ISAIA 48:16

“Vai, kai i sahawi y jeu iy, kai i thui nai leu tangai u. Kai ly angchei khala i my nangchi teng y kang thui pi keng veng bo. Huni leaungsai amteaung nai khala my, kai ly awm,” napi. (Vai, Areng Tameuh ly kai ai sa thai naira pei iy ang pato nai ne.)

ISAIA 49:1

Pri takhra i khumi cheng cheaungkhangchi awi, kamlora y awm nai khumichi awi, kai i thui nai leu nangchi tangai u! Kai ai tapen y rai khala my Areng ly kai ai vawi takhra iy, mymy i miseaung y ang khai bo.

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

JEREMIA 22:29

Aw pri, aw pri, aw pri! Areng i leu pei nai tangai ba.

JEREMIA 49:7

Ati cheaungkhang sa thai nai keung Areng ly Edom pri molam y, “Edom khumichi ly paleung ka-dawn kahawi by y na bo sai a? Nichi i khumi kachengchi py, ati mana sa ai nai avo mo, nanai tau pei pajau y na bo sai a? Nichi i cheng nairachi ly tama be veng bo a?

Ezekiela 38:17

Vai mo mang y kai ly Israela pri y tiu ai nai khumi leaungrei pato ai, nanai law veng nai neng khala, amochi dengdairei kaimy leu pei nai ly nang ai patyp iy thui nai ne. Huni neng khala amochi my, kai ly nang ai huni khumichi ai tiu hai ai, nanai saneng neangneang kakra thui pi bo,” napi. Hini ly sa thai naira angym nai Areng i pei nai leu ne.

OBADIA 1:1

Hini Obadia i amo leu ly Edom pri molam y Obadia teng y, sa thai naira angym nai Areng my leu thui pi nai ne. Areng ly khumi cheng cheaungkhangchi teng y, mymy i savai pato. “Angvei u rym! Edom pri y achi tavai tiu u sina,” nanai raawi kaichi thai u bo!

I KORINTH 10:26

ati mana nai mo nabaly khaileaung hawi huni theung y awm nai bawibawichi ly Areng i ne.

Leu Thui Nai 32:1

“Kani khusang hawi khaileaung bom vereichi awi, kai i thui nai ngiereichi ai hawihai palai tangai.

Leu Thui Nai 4:26

Huna nai tamang u baly nangchi cheng ly huni pri i nai kra y naimy tama vui ai, nanai kai ly kani hawi khaileaung ai tau iy vaineng abeu bo. Nangchi Jordan tavo angpeang iy peang vui ai nai pri y kra parai pa-rei awm ai nai ngo y naimy, cheng verei tama vui ai.

AMTENG HAI NAI 2:7

kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly Tameuh i Paradais y awm nai heng naira dengkeaung y cha ai nai kapei ai,’ napi.

TARA CHIH NAI KEUNGCHI 5:3

Samrangchi awi, tangai u! Pri peang nai keungchi awi, adawn u patyp! Israela chengchi i Areng Tameuh i nang parai nai sai palo ai nai kai ly khulym thui naimy taro beu ai.

TARA CHIH NAI KEUNGCHI 5:31

Aw Areng, nang i paleung ka-e bawibawichi ly hina nai kamta sum u sy; na i py nang i ahawichi ly achaw deaung nai kani si nai kamta, angvang phang sy! Naibaly Kanan pri y saneng vui palyh ryrei tlamsa nai ne.