ISAIA 33:8 - Khumi Common Language Bible

⁸ Lam manglai puichi ly ka-jeira khri pa-rei nawi nai deaungkho y, ami py tako u vam y. Amsawi amnai asa naichi taphra iy, leu meitang adeu naichi py phra veng bo. Ami my py tahm khai nai avum u y leang bo.

ISAIA 33:8 ပူးပေါင်းရင်းမြစ်များ

SAM 10:5

Khumi aso y naichi ly sa naira tleirei y eaung nai deaungkho y, Tameuh i tara chih naichi ai pany thai y leang. Paleung ka-echi ai py panui hai reng nai ne.

ISAIA 24:5

Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 36:1

Juda samrang Hezekia my peang nai saneng holai palyhrei saneng y, Asuria empara samrang Senakheri ly Juda pri y awm nai amtangra marychi ai tiu vui nai ne.

TANGAM NAI LEU 1:4

Khai takhra nai pawi neng kani khala, chiu sa ai nai Achura yhm y chei nai khumi py by y. Achura yhm y khulym thui nai anglochi py, paleung si paleung mawn naimy awm u bo. Naibaly pathyp pi nai keungchi py, vo tangam nai ny y baly ati sai py so u thai y. Mary katheuchi ly khumi savai angau na bo. Zion mary ly patang naira avum bo.

Levi 26:22

Kai ly nangchi i awm naira y mawi kasichi kapato ai i, nangchi i cho chanauchi, si, beramchi ai kei hai ai. Khumi maidenreichy awm khyh nai y, aki aleaung nai khumi angso awm ai ny y.

TARA CHIH NAI KEUNGCHI 19:17

Miteaung pui ly mary apai katheu pa-kho sahawi i angdymchy ra y angvyn ai niu nai khala, “Nang ly ma mang i jeu nai mo? ma mang y chei ai mo?,” nanai deng.

TARA CHIH NAI KEUNGCHI 5:6

Anath i chapo Shamka deung y py, Jaela deung y py, khuleaung chei naichi ly huni pri mang tako u y leang bo. Khuleaung chei naichi ly lam takitavaichi mang naini tako u nai ne.

1 SAMUELA 17:10

Vai, kai ly Israela tavaimichi theung i leaungrei hawi atiu ai nai kang palau nai he; kai hawi atiu ai nai khumi leaungrei ai vawi takhra u!,” napi.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.