ISAIA 33:6 - Khumi Common Language Bible

⁶ Israela chengchi ai khaw parai naira pei ai. Mymy ly mymy i khumichi ai avawrei ama hai iy, cheng naira hawi pany thai naira pei pi. Nichi i vang teng keh nai yhmtheaung katui ly Areng ai tahm khai naimy jei kaji nai ne.

ISAIA 33:6 ပူးပေါင်းရင်းမြစ်များ

2 ARENG KEH 18:7

Hunai deaungkho y Areng ly ni hawi vanrei awm nai ne i, ni ly sa naira tleirei y eaung bo. Ni ly Asuria empara samrang i anui y kham pi y i, tiu lawh nai ne.

JOBA 4:6

Nang ly Tameuh ai chiu naimy ahihawi iy, kamngo thui bira by y na pa-rei, awm nai khumi ne nai deaungkho y, nang i paleung theung y ym iy, athang khai thai nai ka-dawn awm ai avo nai ne.

SAM 140:7

Kai i salo kangteng Areng, kai i vui ham parai nai atleu keung, nang ly kai ai tavai akeung y ama hai bo.

SAM 28:8

Areng ly mymy i khumichi ai ama hai iy kry bo. Mymy khai takhra pi nai samrang ai ama hai iy atleu nai ne.

SAM 45:4

Ka-ym awm nai hawi adyh adawi naira my peang ai nai molam, sa thai naira haiho hawi vanrei atiu iy, eaung naira ngo ba! Samrang nang ly nangmy i haiho hawimy, eaung pawi puichi avum ai.

LEU KACHENG 14:24

Khumi kachengchi ly yhmtheaung katuichi nga u reng; na i py khumi ka-khumchi ly ka-khum ka-lai naini sa u reng nai ne.

LEU KACHENG 14:26

Areng ai jei kaji naimy tahm khai nai ly my hawi, my i yhm dengtheungchi ai chymme naira hawi, ka-ymra nga hai pajau nai ai.

LEU KACHENG 14:27

Deira i nai lawi ai nai ngai a? Areng ai jei kaji naimy tahm khai nai ly hengra tuino angawm ne.

LEU KACHENG 15:16

Areng ai jei kaji iy khumi kamawn lawm nai ly patang naira avum iy nang chawn nai tleaung y hawi keh.

LEU KACHENG 19:23

Areng ai jei kaji nai khumi ly heng sau ai. Amtheaung nai ryrei awm thai ai i, patang naira avum ai ny y.

LEU KACHENG 2:5

Hina nai kamta sa baly nang ly Areng ai jei kaji ai nai sai pany ai i, Tameuh i satang pany pajau ai.

LEU KACHENG 28:2

Kamngo sa reng nai pri ly samrang leaungrei bo leaungrei my peang naira avum ai. Na i py tau cheng naira angym nai miteaung kehchi i pri ly khaw typ ai.

LEU KACHENG 29:4

Adyh adawi naira ai ngai nai samrang ly mymy i pri ai sa thai naira nga hai ai. Na i py kahm tangka nga ai nai ngai khyh nai samrang ly mymy i pri phra hai ai.

Parip nai leu 7:12

paisa tangka kamta awmnem naira pei pajau. Tau cheng naira ly nang i heng naira ai ama hai pajau; hini ly tau cheng naira i hawira ne.

Parip nai leu 7:19

Samrang leaung horei ly mary harei ai kahawi sa pajau nai tleaung y, tau cheng naira ly khumi leaungrei ai huni tleaung y hawi naira sa pajau.

ISAIA 11:9

Tameuh i nang parai nai Zion mawi salo y, ka-jeira lawm hai nai, ti y baly hawi y naira ati sai py awm ai ny y. Panglichi ly tui kawi mang nai kamta, huni pri y Areng ai pany nai cheng naira hawimy kawi angym ai.

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 32:17

Khumi bawibawichi ly kateng sa u nai deaungkho y, deungtasa tlamsa nai hawi chymme naimy awm u ai.

ISAIA 32:18

Tameuh i khumichi awm nai yhmchi ly chymme naimy awm ai. Huni khumichi py paleung kabi, paleung ka-mawn by y ai.

ISAIA 33:20

Achi i reita pawichi sa nai Zion mawi ai khen u; Jerusalem mary ai khen u! Huni mary ly chymme naira awm iy khri pa-rei awm ai hawi parai nai mary ne na a! Huni ly paran nai khangmuichi mana khala py aphiu vui y naimy, khaw jojo nai vuinawnchi hawi jeng iy mana khala py kasyh ai ngo y nai kanih tangbeung hawi atawm ai.

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 51:14

Theaung tla nai khumichi ly kra y naimy law tleaung u ai. Khumichi ly theaung theung y dei y naimy, mychi i ngai nai teicha teinei ngiereichi nga u ai.

ISAIA 51:6

Kani khusang ai khen ang deng u; khaileaung ai py khen u! Kani khusang ly maikhyh kamta tama vui ai. Khaileaung ly ateaung tangym nai kamta phra dudu ai. Hini khaileaung i khumi bawibawichi py, pathau kamta dei be ai. Na i py kai i atleu naira ly deungtasarei awm jojo ai. Kai i eaung naira ly mana khala py phra ai ny y.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

II KORINTH 6:10

paleung mawn nai kamta, na i py kawn jojo lawh nai; kamawn kamta, na i py khumi neangneangchi ai nang hai lawh nai; ati sai py by y nai kamta, na i py ati cheaungkhang neangneang awm lawh nai.

I TIMOTHEI 4:8

Naibaly Tameuh ai dawn ryhryh ai nai apatiu reng: tlang mang y atho nga ai nai amjy teaung nai ly chawn mang ly chawn: na i py Tameuh ai dawn ryhryh nai ly vai i awm angchi nai hengra hawi, vai tym ai nai hengra molam y atiti adeu naira nga nai deaungkho y lam cheaungkhangra y chawn nai ne.

I TIMOTHEI 6:6

Na i py Tameuh ai dawn ryhryh naira ly paleung hawi naira abawi baly khri pa-rei amran naira ne;