ISAIA 33:5 - Khumi Common Language Bible

⁵ Areng ly khri pa-rei nang parai na ly! Mymy ly ati cheaungkhangchi ai peang nai ne. Jerusalem mary y leu meitang adyh adawi naira hawi py, hawi naira hawi py angym hai iy,

ISAIA 33:5 ပူးပေါင်းရင်းမြစ်များ

SAM 118:16

Tameuh i khumichi ly Taichi theung mang dengdairei amo theu parai naimy eaung nai raawi hawi aeu nai ly tangai u.

SAM 123:1

Aw Areng, nang i peang nai kani pri mang y, kai ly khen angdeang bo.

THEU NAI 15:1

Naibaly Mosi hawi Israela chengchi ly Areng ai palo nai khulym thui u bo; “Kai ly Areng ai palo ai, ati mana nai mo na baly mymy ly nang parai nai hawimy eaung naira nga hai bo; mymy ly tavaimichi, keaungngo atang nai tavaimichi ai pangli tui y anum hai chauchau nai deaungkho y ne.

THEU NAI 15:6

“Aw Areng, nang i lamtang kiu i sa thai naira ly rengrang iy jei hyn ai nai hawi parai; sa thai naira hawimy paleung ka-echi ai pasum be bo.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

ISAIA 12:4

Khumichi my hina nai palo nai neng kani tym ai, “Areng ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 28:6

Mymy ly tara chih nai keung sa nai khumichi teng y, ka-dyh ka-dawi sa thai nai paleung ka-dawn py, paleung ka-echi ai mary apai katheu pa-khochi ra i nai patheu vui nai khumichi teng y, sorai paleung py pei pi ai.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 32:1

Kanirei nai khala y leu meitang teaung nai samrang leaungrei hawi, ka-dyh ka-dawi naimy peang nai cheng i vui lu sa naichi amthawn ai.

ISAIA 33:10

Areng ly khumi cheng cheaungkhangchi teng y, “Vai, kai ly bawi la iy kang sa ai. Kai i sa thai naira len nai kang patei pi ai.

ISAIA 33:4

Nichi i yhmtheaung katuichi ai py, tavai atiura i abawi nai vawnsaichi kamta palawn iy, lawm pi pawn nai avum u ai.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 56:1

Areng my mymy i khumichi teng y, “Kai ly kra y naimy nichi ai atleu ai. Hunai deaungkho y nangchi ly hawi naira hawi, adyh adawi naira so u.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

ROM AVANGCHI TENG Y PAWLA I CHA PA NAI 11:26

Hunaibaly Israelachi bawibawi ly hengra nga ai: “Paheng Keung ly Zion i dengdairei theu iy, Jakob teng i dengdairei Tameuh ai dawn y naira ang tama hai ai.

ROM AVANGCHI TENG Y PAWLA I CHA PA NAI 3:26

mymy kypkyp ly kahawi ne, nanai hawi, Isu ai ym nai ngierei ai eaung hai nai keung ne, nanai py mymy i vai dymkhawn i hawi naira patei nai ne.