ISAIA 33:21 - Khumi Common Language Bible

²¹ Areng ly mymy i nang parai nai sai achi niu ai nai pei ai. Achi ly tavo pui, micheaung puichi sahawi y awm ai nai nga u ai. Na i py huni tavo puichi ra y paleung ka-echi i paleaung hawi samphochi, so kathiu, so kalau ai nai nga u ai ny y.

ISAIA 33:21 ပူးပေါင်းရင်းမြစ်များ

SAM 29:3

Areng i raawi ly panglichi salo y amsau bo. Nang parai nai hawi angym nai Tameuh ly kani pajyh hai. Mymy i raawi ly suida pangli salo y avah na bo.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 33:17

Nangchi ly khri pa-rei kau parai nai khu ka-peang theung y, nang parai naimy peang nai samrang leaungrei ai niu u ai.

ISAIA 41:18

Kai ly ati sai py prau y nai mawi aheungchira y tavochi lawm hai iy, leaunghawichi hawi tavo micheaungchi lawm hai ai. Kai ly khutaha daichi ka-vym y tuipumchi lawm ai nai py, khutaha khaileaungchi ai, tuikhochi lawm ai nai py, amtlau hai ai.

ISAIA 43:19

Kai i sa ai nai leaungsai kangthachi ai ajeng u. Hunichi ly ang tym dudu nai deaungkho y, huni ai vai nangchi niu u na a! Kai ly daichi ka-vym y lam sa pi prei iy, nangchi teng y tuino leaung hai ai.

ISAIA 43:20

Daichi mawichi malawn py, kai ai tahm khai iy palo u ai. Kai ly kaimy vawi takhra nai khumichi tui nga ai nai molam tui by y nai daichi ka-vymra y tavo tuichi leaung hai nai khala y khivachi hawi kula-iu tavochi ly kai ai palo u ai.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 66:12

Areng my, “Kai ly nangchi ai nang chawn jojo ai nai kang pei ai. Khumi cheng cheaungkhangchi i yhmtheaung katuichi ly mana khala py kang vai y nai tavo tui kamta, nangchi teng y ang leaung ai. Nangchi ly amhm my tamen parai nai y tapawm naimy kanu panei nai deaungdi hawi atawm ai.

ZEKHARIAH 2:9

“Hina nai y Areng mymy kypkyp ly nangchi ai ang tiu ai. Vaichi khala nangchi i miseaung lawm u nai khumichi ly nangchi ai ang tiu u teang ai,” napi nai amteng hai nai hawi vanrei, kai ai ang pato nai ne. Hina naichi ang tym nai khala y kai ai ati cheaungkhang sa thai nai Areng my pato nai ne, nanai khumi bawibawichi pany u ai.

Kati Nai 23:21

Israela chengchi ly vai mo mang y py patang naira, taham si nairachi avum ai nai kai niu y. Nichi i Areng Tameuh ly nichi hawi vanrei awm; Areng ly nichi i samrang ne, nanai amthang hai bo.

AMTAW 7:2

Naibaly Stephana my ly, “Amjo amnauchi hawi ngaaichi awi, tangai cham.

Leu Thui Nai 23:15

“Yhmkeung teng i nai preang vui iy nang teng y abyh ai nai ang tym nai miseaung ai ly my i yhmkeung teng y pato ali teang moh.