ISAIA 33:17 - Khumi Common Language Bible

¹⁷ Nangchi ly khri pa-rei kau parai nai khu ka-peang theung y, nang parai naimy peang nai samrang leaungrei ai niu u ai.

ISAIA 33:17 ပူးပေါင်းရင်းမြစ်များ

2 NENG SATANG 32:23

Khumi neangneangchi ly Areng i vui katalamrachi hawi, samrang Hezekia i vui langseaungchi py, Jerusalem mary y syn pi u bo. Huni neng dengdairei Hezekia ly pri takhrachi i mo y, tahm asang nai ne.

JOBA 19:27

Kai ly kaimy i mei hawimy, mymy ai kaniu ai. Kai ly ni i tlang tleaung y meimai ahangkam ai ny y. Nangchi my,

SAM 31:8

Nang ly kai ai paleung ka-echi kiu theung y tym hai y naimy, kaimy ngaingai chei pajau ai nai pei bo.

SAM 45:2

Nang ly khumi neangneangchi tleaung y mo-cha hawi nai ne. Vang teng nai leu katheu reng. Hunai deaungkho y Tameuh teng i amtheaung naira nga jojo nai ne.

Solomon i khulym 5:10

Kai i khrei nai keung ly mo-cha hawi iy atho py awm; khumi leaung meaung kateaungreichi theung y, ni ka-tawm leaungrei awm khyh.

ISAIA 24:23

Ati cheaungkhang sa thai nai keung Areng ly samrang lyn ai bo i, lo ly avang y ai; kanito py angvang bi ai ny y. Mymy ly Jerusalem mary Zion mawi salo y peang ai. Khumi mipuichi ai pahawi nai lu sa nai keungchi py, mymy i nang parai nai sai niu u ai.

ISAIA 26:15

Aw Areng, nang ly kaichi i pri lo-pa hai bo; lo-pa hai bo. Huni i khu ka-peangchi py nidym nisi, tosyh tokalawi kau haira bo. Hina nai kamta sa nai deaungkho y, nang ly tahm awm nai ne.

ISAIA 33:21

Areng ly mymy i nang parai nai sai achi niu ai nai pei ai. Achi ly tavo pui, micheaung puichi sahawi y awm ai nai nga u ai. Na i py huni tavo puichi ra y paleung ka-echi i paleaung hawi samphochi, so kathiu, so kalau ai nai nga u ai ny y.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 37:1

Huni khumichi i amti pi nai leu thai phai thai baly, samrang ly paleung bi i, my i ateaungchi sei iy paisiu kanih akhiu naimy, Areng i Achura yhm mang y chei bo.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ZEKHARIAH 9:17

Hini pri ly ati mana tanrei apu parai na mo ly! Thawndeang deaungdichi ly hini pri i theu nai chohpui chomaw hawi kreip hangchi cha nei iy atho awm u ai.

MATTHAI 17:2

naibaly nichi i mo y mymy i meimai awm nai sai ly takhra bo; my i meimai ly kanito kamta angvang iy, mymy i ateaung ly kangvang kamta kaleung bo.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 14:21

Ami py kai i leu pei naichi tangai iy patawm nai ly kai ai tamen nai keung ne; ami py kai ai tamen nai ly Ngaai my tamen ai, kai py ni ai tamen ai i ni teng y kamteang ai,” napi.

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

II KORINTH 4:18

kaichi ly atiti niu thai naichi ai khen y naimy, atiti niu thai y naichi ai khen nai ne; atiti niu thai naichi ly tanarei chy i vui teu; atiti niu thai y naichi naini deungtasarei i vui ne.

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.