ISAIA 33:14 - Khumi Common Language Bible

¹⁴ Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 33:14 ပူးပေါင်းရင်းမြစ်များ

JOBA 18:11

Ka-jei awm nai patang nairachi ly ni ai takimeuh naimy ajeng iy, ni i tako naira tleirei y hui bo.

SAM 11:6

Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.

SAM 21:9

Mymy ang jeu nai khala angveaung nai mai kadeu kamta, nichi ai taphra ai. Areng ly kado theu iy nichi ai taphra pawn ai; nichi ly mai y kang be ai.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

SAM 53:5

Na i py Tameuh ly mymy i khumichi i paleung ka-echi i hiuchi ai ahei hai pawn ai i, nichi ly tlenrei py avum vai y nai ka-jeirachi hawi khri pa-rei jei hyn u ai. Tameuh ly nichi ai khai su bo i, Israela chengchi ly pajau u vui ai.

LEU KACHENG 28:1

Khumi hawi y nai ly mymy ai pareng nai khumi by y pui naimy angpreng reng. Na i py khumi kahawi ly khrangsi kamta vam parai nai ne.

ISAIA 1:28

Na i py mymy ly kamngo sa nai khumi hawi mymy ai tiu nai khumi bawibawichi ai tamyh pawn ai. Mymy ai khai su nai khumi ngiereichi ai tamyh ai.

ISAIA 10:16

Ati cheaungkhang sa thai nai Areng ly vai i neng y bym pa-rei cha ai nga nai khumichi ai pajeng ai nai, no kanghawi tym hai ai. Nichi i ngan theung y ly mai kamta ango aninau ai.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 29:13

Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

ISAIA 29:6

Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 32:11

Nangchi ly paleung kabi paleung ka-mawn by y iy, paleung savairu naimy awm u bo. Na i py vai ly jei hyn naimy awm u! Nangchi i ateaungchi aleng iy akeng y kanih kamawnchi apam u.

ISAIA 34:9

Edom pri i tavochi ly ketara katli kamta py, khaileaung kathau ly kan kamta py, amtlau vui ai. Huni pri verei ly ketara katli kamta, mai angveaung ai.

ISAIA 47:14

“Nichi ly choh-ali kamta lawm iy, mai ly nichi ai kang ai! Nichi ly mymychi ai malawn py atleu u pajau ai ny y. Mai kangveaungchi ly bi-um ai nai a-awm nai mai ny y i, nichi i vui ly khri pa-rei ango ai.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

ISAIA 66:24

Huni khumichi ly mychi i pri y vawi u teang nai khala y, kai ai tiu nai khumichi i tlaiveuchi niu u ai. Huni tlaiveuchi ai cha nai kaleungchi ly mana khala py dei ai ny y. Tlaiveu ai kang nai mai ly mana khala py, rym ai ny y. Khumi bawibawichi ly huna naichi ai niu iy paso u ai.

ISAIA 7:2

Suria risachi ly Israela khu ka-peang theung y tym u bo, nanai Juda samrang thai nai khala y, ni hawi vanrei ni i khumi mipui bawibawichi ly khri pa-rei jei u bo. Ali theu iy ahyn nai dengkeaung ngamchi kamta, nichi i paleung ahyn u nai ne.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

ISAIA 9:18

Khumichi i hawi y nai sai ly aleng keung cheaungkhang ai kang hai nai mai kamta, angveaung bo. Kamparui mai kamta angveaung iy maikhyh angjawichi khyh hai kalau nai ne.

ISAIA 9:19

Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

AMOS 9:10

Kai i khumichi theung i, ‘Tameuh ly achi ai kamtang pei ai ny y,’ nanai thui nai kamngo awm nai ngiereichi ly tavai keung y dei u ai.”

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

MALAKHI 3:2

Na i py ami nai ly nang jeu ai nai neng kani y ami aheu vui vam ai mo? Nang i amteng nai neng khala y, heng nai khumi awm rai na a? Hawi keh nai saibeung hawi py, vang kateng tamo patlawn nai mai hawi py atawm ai.

MATTHAI 18:8

Naibaly nang i kiu my mo, nang i kheu my mo nang ai atlym hai baly tameang ly, aphi la: kiu kheu angym naimy deungtasarei mai y aphi nai tleaung y kiu angym y nai mo, kheu tabai nai mo heng naira y kun ai nai nang i vui hawi keh alam.

MATTHAI 22:12

Naibaly mymy ly ni teng y, ‘Nai awi, apom nai kanih akhiu y naimy hi y mana kun lawh mo?’ napi. Naibaly ni ly sai py katheu thai y bo.

MATTHAI 24:51

khri pa-rei chip ajiu piu iy, tapawp nai khumichi i nga ai avo nai kamta nga hai ai; hu y ly vo py vo ai, ho py akachai ai.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MATTHAI 25:46

Naibaly hinichi ly deungtasarei pajeng naira y chei u vui ai: khumi kahawichi naini deungtasarei hengra y chei u vui ai,” napi.

Leu Thui Nai 4:24

Ati mana nai mo na baly nangchi i Areng Tameuh ly mai kangveaung hawi atawm nai Tameuh, tameuh takhrachi ai niu ngai y nai ne.

II THESALONIKA 1:8

nangchi ai ngari patang hai nai keungchi ai ly ngari patang naira vawitheung tha ai nai hawi, nangchi ngari patang nai keungchi ai ly kaichi hawi anawn naira vawitheung tha ai nai ly Tameuh i mei ka-niu y ly meitang ne.

HEBRAI 12:29

ati mana nai mo nabaly achi i Tameuh ly kang hai nai mai ne.

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai:

AMTENG HAI NAI 20:10

Naibaly nichi ai tapawp nai keung diabola ai ly mai hawi kan ang y ly aphi vui bo: hu y ly mawi kasi hawi tapawp nai amo py awm teang; naibaly nichi ai ly deungtasarei vum kanithun no patang hai jojo ai.