ISAIA 32:7 - Khumi Common Language Bible

⁷ Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

ISAIA 32:7 ပူးပေါင်းရင်းမြစ်များ

SAM 119:95

Khumi hawi y naichi ly kai ai padei ai nai ajeng u teu i py, kai ly reita leu pei naichi adawn pasym jojo ai.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 26:10

Nang ly khumi hawi y naichi ai pahen teu i py, nichi ly kateng sa ai nai pany u y. Khumi kahawichi i awm nai hini pri y malawn py, nichi ly hawi y naichi sa u. Nang i nang parai nai ai py, dawn dang u y nai ne.

ISAIA 29:21

Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.

ISAIA 5:23

Na i py nangchi ly un langseaung nga lawh teu baly, sa tamang nai khumichi ai pajeng y naimy patleaung vui iy, tamang y nai khumichi ai ly kataw kateng chih pi u y.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 59:15

Huni meingtym y khumi kahawi ly di parai nai deaungkho y, hawi y naira ai en vui nai khumichi py hawi y naira avum u lawh bo.” Hina naichi niu nai deaungkho y, Areng ly adyh adawi naira by y nai ai niu ngai y.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

DANIELA 12:10

Khumi neangneangchi ly paleung chai u ai. Khumi hawi y naichi ly pany thai naira by y i, hawi y naira sa u veangveang ai. Khumi kacheng naini, pany thai naira nga ai.

MIKHA 2:1

Ira tleaung y aseaung iy hawi y sa ai nai dawn nai khumichi ly taham si. Khawn khutawi nai khala, nichi ly sa ai nai lam nga phai nga baly, mymychi i hawi y nai ka-dawn sa u reng nai ne.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MATTHAI 26:4

nichi ly Isu ai tapawp paryp nai patiu iy padei u thai ai nai arum ryry.