ISAIA 32:17 - Khumi Common Language Bible

¹⁷ Khumi bawibawichi ly kateng sa u nai deaungkho y, deungtasa tlamsa nai hawi chymme naimy awm u ai.

ISAIA 32:17 ပူးပေါင်းရင်းမြစ်များ

ESTHER 9:30

Huni cha ai ly Pasia empara pri theung i pri khu ka-peang 127 reichira y awm nai Juda chengchi teng y pei pi bo. Huni cha theung y Juda chengchi ly patang naira avum u y naimy tlamsa hai ai nai chiu sa pi chum baly,

SAM 119:165

Nang i reita leu pei nai ai paleung apei nai khumichi ly khri pa-rei paleung awmnem naira nga u nai ne; mani my py nichi ai atlym hai pajau y leang.

SAM 85:10

Tamen naira hawi ka-ym awm naira ly avum ai; leu meitang adyh adawi naira hawi tlamsa naira ly atakawi hawi ai.

SAM 85:8

Kai ly Areng Tameuh i leu pei nai ai tangai naimy awm bo; achi ly amychi i hawi y nai lam ai khai su baly mymy ly mymy i khumichi napi nai achi ai awmnem naira pei ai, nanai adeu pi bo.

LEU KACHENG 1:33

Na i py kai i leu tangai nai khumi ly chymme naimy awm ai nai nga ai. Ni ly jei hyn naira by y naimy, tlamsa nai awm ai,” nanai ne.

LEU KACHENG 14:26

Areng ai jei kaji naimy tahm khai nai ly my hawi, my i yhm dengtheungchi ai chymme naira hawi, ka-ymra nga hai pajau nai ai.

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 11:13

Israela mipuichi ly Juda mipuichi tlang tleaung y paleung ka-no awm ai ny y. Juda mipuichi py Israela mipuichi i paleung ka-e lawm ai ny y leang bo.

ISAIA 26:3

Aw Areng, nang ly paleung meitang ne i nang ai ym nai khumichi teng y tlamsa naira tatang pei pi bo.

ISAIA 28:12

Mymy ly nangchi ai chymme naimy awm ai nai pei teu i py, nangchi ly mymy i leu tangai u y.

ISAIA 30:15

Israela chengchi i chai parai nai Areng Tameuh my khumichi teng y, “Nangchi ly kai teng y vawi iy kajeaung kaji naimy kai ai ym u. Hunaibaly nangchi ly atho ham naira nga iy, atleu naira nga u ai,” napi. Na i py nangchi ly tangai u y!

ISAIA 33:6

Israela chengchi ai khaw parai naira pei ai. Mymy ly mymy i khumichi ai avawrei ama hai iy, cheng naira hawi pany thai naira pei pi. Nichi i vang teng keh nai yhmtheaung katui ly Areng ai tahm khai naimy jei kaji nai ne.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 55:12

Nangchi ly Babulon pri i dengdairei, amo theu parai naimy theu u ai. Mary theung i nai tlamsa naimy pahawi nai avum u ai. Mawi katheang kalenchi ly aeu naimy khulym thui u ai. Dengkeaung keungchi py, amo theu parai naimy aeu u sau ai.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

ISAIA 66:12

Areng my, “Kai ly nangchi ai nang chawn jojo ai nai kang pei ai. Khumi cheng cheaungkhangchi i yhmtheaung katuichi ly mana khala py kang vai y nai tavo tui kamta, nangchi teng y ang leaung ai. Nangchi ly amhm my tamen parai nai y tapawm naimy kanu panei nai deaungdi hawi atawm ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

HEBRAI 12:11

Parip naira ngierei ly kawn hai nai kamta ny y naimy, paleung mawn hai nai kamta ne; patang nai bo y naini huni parip naira paleung theung y tla naichi i vui ly hawi naira i awmnem naira athai ai patheu pi lawh veng.

HEBRAI 6:11

Na i py nangchi leaung leaungrei ly tem pa-rei athang khai naira kangym nga thai ai nai, hunai kamta atho sa nai sai amteng hai jojo ai nai kaichi ly khrikhri pa-rei kang ngai hai;

I JOHAN 4:17

Achi ly tara chih nai kani y vam parai pa-rei awm thai ai nai achi i tlang tleaung y tamen naira ly angym bo; ati mana nai mo nabaly mymy i awm nai kamta achi ly hini khaileaung pri y awm teang bo.