ISAIA 32:15 - Khumi Common Language Bible

¹⁵ Na i py Tameuh ly mymy i phailo ai achi teng y pato pi ali teang ai. Huna nai khala y khaileaung ka-keuchi ly khaileaung kahawichi lawm iy, li khaileaungchira i amti amjangchi neangneang theu ai.

ISAIA 32:15 ပူးပေါင်းရင်းမြစ်များ

SAM 104:30

Na i py nang ly nichi ai taho hai nai khala y, nichi ly sa palai teang naira nga bo; nang ly khaileaung pri ai kangtha lawm hai teang nai ne.

SAM 107:33

Areng ly tavochi ai tui kang hai pawn bo; tavo micheaungchi ai py tamym typ pawn nai ne.

SAM 107:35

Mymy ly khutaha daichi ka-vymchi ai tui sampumchi lawm hai iy, jengha nai meingtymchi ai py, tui leaung nai micheaung lawm hai bo.

LEU KACHENG 1:23

Kaimy nangchi ai kang parip nai khala, tangai u; kai ly nangchi ai tau kahawi kang pei iy, kai i cheng naira py kang paji pi ai.

ISAIA 28:6

Mymy ly tara chih nai keung sa nai khumichi teng y, ka-dyh ka-dawi sa thai nai paleung ka-dawn py, paleung ka-echi ai mary apai katheu pa-khochi ra i nai patheu vui nai khumichi teng y, sorai paleung py pei pi ai.

ISAIA 29:17

Thui achih awm nai kamta, kra y nai sala y my daichi thengreung ly li khaileaung lawm ai; li khaileaung py daichi thengreung lawm ai.

ISAIA 35:7

Kabi ango parai nai speungchi ly tui sampum lawm iy, khutaha khaileaung py tuikhochi kawi mang naimy awm ai. Khivachi tlai reng nai meingtym y speung samji keung hawi japang uipo keungchi prau ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 45:8

Kai ly kanitui kamta, kani mang i dengdairei, eaung naira pala pi ai. Huni ai khaileaung ly am-eaung iy, tlamsa naira hawi adyh adawi naira, napi nai athaichi theu ai. Kai, Areng ly hini atitichi tym hai ai.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

ISAIA 63:11

Hunaibaly nichi ly jangni y Areng i miseaung Mosi i deung y adawn u vau i, “Mymy i khumichi i lu sa naichi ai pangli i nai atleu pi nai Areng ly ma y mo? Mosi ai sa thai naira pei patyp keh nai Areng ly ma y mo?

Ezekiela 37:14

Kai ly kaimy i phailo ai nichi teng y kapei iy, nichi ai heng hai ali teang chum baly, mymychi i saleaung khutengra y awm hai ai. Huna nai khala kai ly Areng ne, nanai nichi pany u ai. Kai ly hina nai sa ai, nanai adeu nai kamta sa ai. Hini ly kai, Areng my leu pei nai ne,” napi.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

LUKA 24:49

Naibaly khen cham, Ngaai i adeu nai ly nangchi teng y kang pato ai; na i py salo mang i dengdairei nangchi ai atiti sa thai naira y amthyp hai y ryrei ly avang y ajeng u jo rai ba,” napi.

JOHAN 7:39

Huni leu ly mymy ai ym naichi i nga ai nai Phailo i satang thui nai ne: Isu ai palo y rai nai deaungkho y Phailo pei y rai.

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

II KORINTH 3:8

Phailo i kalop sanai ly mana tanrei nang parai naira tym hai ai moh?