ISAIA 31:9 - Khumi Common Language Bible

⁹ Nichi i samrang py jei i, preang vui ai. Tavailu arengchi ly mychi i tavai tamkhawnchi khai u su ai,” napi. Huni ly Areng my leu pei nai ne. Mymy ly Jerusalem mary y khumichi my chiu nai Areng ne iy, mymy i mai kangveaung py tawnbawichi ai leng patlum ai nai angveaung nai ne.

ISAIA 31:9 ပူးပေါင်းရင်းမြစ်များ

ISAIA 10:16

Ati cheaungkhang sa thai nai Areng ly vai i neng y bym pa-rei cha ai nga nai khumichi ai pajeng ai nai, no kanghawi tym hai ai. Nichi i ngan theung y ly mai kamta ango aninau ai.

ISAIA 10:17

Israela chengchi i kangvang ne iy, chai parai nai Tameuh ly aleng keung amjy cheaungkhang takhawi y naimy, ati cheaungkhangchi ai kanirei y my kang hai nai mai kamta atawm ai.

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 13:2

Mawi tabiuliu nai saleung y tavai tamkhawn theaung u! Paleung len amlyh nai mary pui katheu pa-khochi ai tiu ai nai aeu naimy, nangchi i kiu pheu iy tavaimichi ai leu pei u.

ISAIA 17:13

Huni pri i khumichi ly tui sampyhchi kamta, athorei my mo mang y lyn u bo. Na i py Tameuh my nichi deaungkho y khrikhri pa-rei thui parip nai khala y, nichi ly mawi para ra i spryhchi kamta py, ali tengkalengra y akheang nai choh-ali kamta py, athawn u veng bo.

ISAIA 18:3

Khaileaung pri y awm nai khumi bawibawichi awi, khaileaung salo y awm u nai khumi bawibawichi awi, tangai u! Mawi saleungra y pado ai nai ka-ma-ra tamkhawn ai khen angdeang u!

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 27:7

Israela chengchi ly mychi i paleung ka-echi tanrei, Areng i pajeng naira khri pa-rei avum u y, paleung ka-echi tanrei py dei u y.

ISAIA 29:6

Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 37:37

Huna nai khala Asuria empara samrang Senakheri ly tavai athawn iy Ninevi mary y vawi u ali teang nai ne.

ISAIA 4:4

Areng ly Israela chengchi ai tara chih iy, sa thai naira hawimy chai hai ai. Jerusalem mary i kamngo py, huni mary y leaung nai thichi py, pachai pi ai.

ISAIA 5:26

Areng ly ka-ma-ra patei iy, kamlora awm nai cheng takhrachi ai palau ai. Mymy ly nichi ai khaileaung katem mang dengdairei jeu u ai nai, amsui sai hawi ka-ma-ra pei pi ai. Huni khumichi py huni meingtym y jeu u kaliki ai!

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

Levi 6:13

Maicham mai ly angveaung aninau au ai nai tla i, mana khala py mai dei ai nai tlo y.

ZEKHARIAH 2:5

Areng ly mymy naimy mary kamkira y, mai apai kamta awm iy nang parai nai hawimy, huni mary y awm ai, nanai leu adeu yb veng bo,” nanai thui.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

Leu Thui Nai 32:31

Nichi i paleung ka-echi ly mymychi i tameuhchi atho jy iy, Israela chengchi i Tameuh kamta sa thai naira len y, nanai pany u.

Leu Thui Nai 32:37

Naibaly Areng ly mymy i khumichi teng y, ‘Nangchi ym iy cheaungkhang sa thai nai tameuhchi ly ma y mo?