ISAIA 31:5 - Khumi Common Language Bible

⁵ Tavo ly my i tabu salo mang akheang taki naimy cho ai kry nai kamta, ati cheaungkhang sa thai nai keung Areng ly Jerusalem mary ai ama hai iy, paleung ka-echi ai tiu ai,” nanai kai ai leu pei nai ne.

ISAIA 31:5 ပူးပေါင်းရင်းမြစ်များ

ATITI AWM ANGCHEI NAI 1:2

khaileaung ly mo-cha amny y, keuru pui teu. Ati cheaungkhangchi ai um nai suida pangli tui kamsau ai ly kaveng my khiu cheng na. Tameuh i Phailo ly tuisang salo y aho.

2 ARENG KEH 19:34

Kai ly kaimy i nang parai nai ai py, kai i miseaung Davida teng y leu adeu pi nai ai py, adawn iy hini mary ai ama hai ai,’ nanai leu pei bo,” napi.

2 NENG SATANG 32:22

Hina nai kamta Areng ly samrang Hezekia hawi Jerusalem mary i khumichi ai Asuria empara samrang Senakheri kiu i nai py, takhra paleung ka-echi kiu i nai py atleu iy, tengpang sahawi i prichi hawi aly naira pei bo.

SAM 37:40

Mymy ly nichi ai sabawm iy atleu bo. Nichi ly mymy teng y abyh u nai ne i, mymy ly nichi ai khumi hawi y naichi kiu i nai atleu bo.

SAM 46:5

Huni mary pui ly Tameuh i awm naira ne nai deaungkho y, mana khala py phra pajau y; khutawi mo neng khala mymy ly ang jeu iy, huni mary y sabawm ai.

SAM 46:6

Khumi cheng cheaungkhangchi ly jei hyn u ai; Tameuh my leu pei nai khala y khaileaung ly tlawn vui nai ne.

SAM 91:4

Mymy ly my i pakhi hawimy, nang ai ang khiu ai; nang ly mymy i kry nai saho y chymme naimy awm ai; mymy i ka-ym awm naimy ly nang ai ama hai naira khupui lawm ai.

THEU NAI 12:27

nangchi my, ‘Hini ly Areng ai tahm khai nai Katlen vui nai apathyp Pawi ne; ati mo na baly Aikupta chengchi ai pajeng nai khala y, Aikupta pri y awm nai Israela chengchi i yhm y ly katlen vui nai deaungkho y ne,’ nanai pathang ai nai tla. Naibaly Israela chengchi ly kheukhu di u iy Areng ai chiu u bo.

THEU NAI 19:4

“Kai ly Aikupta chengchi ai ati mana pajeng mo, nanai py, ahmtlau my chochi ai pakhi hawi akheang hai nai kamta, kaimy nangchi chymme naimy kang pahawi nai sai py nangchi niu bo.

ISAIA 10:14

Khaileaung pri y awm nai prichi ly tavo tabu hawi atawm i, kai ly huni pri i yhmtheaung katuichi ai tavo kaduichi kamta, jadeu naimy kalapi veng bo. Ami py pakhi takhym y, labeaung ang u vam y!,” nanai amlyh lawh!

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 27:3

“Kai ly hini akho ai avawrei khen iy tui kaleih pi. Ami my py taphra pajau y ai nai vum kanithun kry pi nai ne.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 37:35

Kai ly kaimy i tahm awm nai ai py, kai i miseaung Davida teng y pei nai leu ka-deu molam py, hini mary ai ama hai ai,” napi.

ISAIA 38:6

Kai ly nang hawi vanrei hini Jerusalem mary ai Asuria empara samrang kiu i nai atleu ai. Hini mary ai ama hai ai, nanai samrang Hezekia teng y thui pi,” napi.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.

ZEKHARIAH 9:8

Kai ly kaimy i pri ai mani tavaimichi py, tako prei thai y ai nai kry ai. Samrang hawi y naichi ai py, kai i khumichi ai ana ai nai pei ai ny y. Kai i khumichi patang naira avum nai kaniu bo,” napi.

Leu Thui Nai 32:11

Ahmtlau ly chochi ai akheang nai patiu pi nai khala, mymy i pakhichi kadai iy dawmkhawn pi nai kamta, Areng y Israela chengchi ai pahawi nai ne.