ISAIA 31:3 - Khumi Common Language Bible

³ Aikupta chengchi ly vawinam arengchi ny y. Khumi mangrichi teu na a. Nichi i keaungngochi py vawinam keaungngochi ny y. Areng my bawi la nai khala y, atho len nai cheng ly dei lawm vui ai. Kasabawmra nga nai khumi chengchi py anawi vui ai. Huni khumi cheng amjy nyhrei py myh kang vui ai.

ISAIA 31:3 ပူးပေါင်းရင်းမြစ်များ

2 NENG SATANG 32:8

Ni mang y khumichi i sa thai naira naini awm khyh; achi mang y ly ang sabawm iy achi i tavai atiu naira y abawi nai achi i Areng Tameuh awm,” napi. Hina nai samrang i leu deaungkho y, khumichi ly atho nga u bo.

SAM 118:8

Khumi ai ym nai tleaung y ly Areng ai ym nai ly hawi keh.

SAM 33:17

Tavai keaungngochi ly eaung naira nga nai deaungkho y ati sai py ny y. Nichi i atho len nai py atleu pajau y leang.

SAM 9:20

Aw Areng, nichi teng y jei hyn naira tym hai ba. Mychi ly dei ai nai khumi teu, nanai pany hai ba.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 20:4

Asuria samrang ly hini pri nyhrei theung i patiu nai langhengchi ai, tlang ka-keu naimy hawi vui ai. Nichi ly miteaung, deaungdi takhawi y, phainai abawi y, mychi i kangji py tamym pajau y naimy tlang ka-keu abang u i, Aikupta pri ai kangji nga hai ai.

ISAIA 20:6

Huni neng tym nai khala y Philistin tavo peang y awm nai khumichi ly “Kaichi ai Asuria samrang teng i nai ama hai ai nai, kaichi my paleung pado nai khumichi i avum nai sai ai khen u cham! Kaichi ly ati mana nai y dei y naimy katleaung u thai ai mo?,” nanai thui u ai.

ISAIA 30:16

Huna nai tangai ai nai tleaung y ly rang parai nai keaungngochi atang iy, paleung ka-echi teng i dengdairei preang ai nai dawn pasym u nai ne. Nangchi i ka-dawn ly hawichy y! Ati mana nai mo nabaly nangchi ly preang u takengkei ai tla nai deaungkho y ne. Nangchi ly nangmychi i keaungngochi ai rang parai, nanai athang khai u teu i py, nangchi ai ang hui nai nichi i keaungngochi ly rang keh ai.

ISAIA 30:5

Juda chengchi ly mychi kasabawmra nga u ai, nanai athang khai u teuni ly sabawm y nai khumi cheng, ka-ym by y nai huni khumi chengchi teng y, abyh lawh nai molam y uikheih u ai.

ISAIA 30:7

Aikupta pri i pei nai kasabawmra ly ati sai py ny y leang. Hunai deaungkho y kai ly Aikupta pri ai ‘Thailai by y nai naka,’ nanai amyn pathi pi bo,” napi.

ISAIA 36:6

Nangchi ly Aikupta pri i kasabawmra ajeng u bo. Na i py huni pri ai paleung pado nai ly tleu iy kiu y viu reng nai japang uipo ai cheaungvawi palawn nai atawm. Aikupta samrang ly mychi ai paleung pado nai neng khala, japang uipo hawi naini atawm nai ne,” napi.

ISAIA 36:9

Nangchi ly sa thai naira theang keh nai Asuria tavailu arengchy ai malawn py, tiu u pajau y leang. Na i py Aikupta chengchi teng i nai tavai ka-ri hawi keaungngo atang nai risa kasabawmrachi kadeaung u lawh.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 15:6

Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 17:5

Areng my, “Khumi ai py, dei thai nai khumi i haiho ai py, ym iy kai ai nithun thun nai khumi ai py kaimy amsawi lawi hai ai.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

Ezekiela 28:9

Nang ai padei ai nai khumichi i mo y, nang ly tameuh ne, nanai angam veangveang ai rai a? Nang ai padei ai nai khumichi ang jeu nai khala, nang ly tameuh ny y bo i, khumicho naini lawm ai bo.

AMOS 2:15

Thailiho pa nai khumichi py khaw u pajau ai ny y. Khri pa-rei angpreng rang nai khumichi py law tleaung ai ny y; keaungngo tleaung i khumichi py, mychi i tlang tleaung u pajau ai ny y.

MATTHAI 15:14

Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,