ISAIA 31:2 - Khumi Common Language Bible

² Mymy ly mymy i sa reng nai kalop ai pany na a! Mymy ly khri pa-rei ka-jeira tym hai bo. Khumi hawi y naichi hawi nichi ai ama hai nai khumichi ai pajeng ai nai leumo pei nai kamta sa nai ne.

ISAIA 31:2 ပူးပေါင်းရင်းမြစ်များ

JOBA 12:16

Tameuh ly sa thai naira haiho len parai nai deaungkho y, eaung naira nga hai jojo. Tapawp nai khumi hawi, katapawpra avum nai nini leaung nyhrei malawn py, mymy i kiu tleaung y awm.

ISAIA 1:4

Nangchi kamngo sa nai khumichi awi, sa tamang reng nai khumi kamngochi awi! nangchi ly taham si u bo. Nangchi ai ly kamngo mynji my ang ti cheng na lawh bo ly! Israela chengchi i chai parai nai Areng Tameuh ai khai su iy, mymy ai nithun thun u vui bo.

ISAIA 14:20

Nang ly nangmy i pri phra hai iy nangmy i pri khumichi ai padei nai deaungkho y, takhra samrangchi kamta nang i veu ai ly heung ai ny y. Nang i hawi y nai kangpreangchi ly leaungrei py dei y naimy tleaung ai ny y.

ISAIA 21:17

Huni cheng theaungchi theung y sorai paleung awm keh nai thailiho pa naichi py, maidenreichy awm khyh ai. Hini ly Israela chengchi i Tameuh kai, Areng my thui pi nai leu ne,” napi.

ISAIA 22:14

Ati cheaungkhang sa thai nai keung Areng mymy kypkyp my kai teng y, “Huni khumichi ly hini hawi y naira molam y heng nai sala ryrei, mana khala py kamngo lawi naira nga u ai ny y. Hini ly ati cheaungkhang sa thai nai keung kai, Areng my thui pi nai leu ne,” napi.

ISAIA 28:21

Areng ly Perazim mawi hawi Kibeon leaunghawira y sa nai kamta tavai thau ai. Mymy ly mymy i sa ai awm nai kalop amcheang pa-rei sa ai. Huni kalop ly aneng parai nai ne.

ISAIA 28:29

Ni ly hini cheng naira ngiereichi ai, ati cheaungkhang sa thai nai keung Areng teng i nga nai ne. Tameuh i sa nai katauchi ly cheng naira ka-dawn angym iy eaung naira nga jojo nai ne.

ISAIA 30:3

Na i py huni pri ly nichi ai ama hai pajau ai ny y. Aikupta pri i ama hai naira py, pri phra naira mang y atlum ai.

ISAIA 30:7

Aikupta pri i pei nai kasabawmra ly ati sai py ny y leang. Hunai deaungkho y kai ly Aikupta pri ai ‘Thailai by y nai naka,’ nanai amyn pathi pi bo,” napi.

ISAIA 31:3

Aikupta chengchi ly vawinam arengchi ny y. Khumi mangrichi teu na a. Nichi i keaungngochi py vawinam keaungngochi ny y. Areng my bawi la nai khala y, atho len nai cheng ly dei lawm vui ai. Kasabawmra nga nai khumi chengchi py anawi vui ai. Huni khumi cheng amjy nyhrei py myh kang vui ai.

ISAIA 32:6

Khumi ka-khum ly ka-khum leu katheu iy, hawi y nai atitichi sa ai nai dawn pasym reng. Ni i sa nai kalop hawi ni i katheu nai leuchi ly Areng ai khumi aniu y nai sa nai ne. Ni ly kajeu alam naichi ai mana khala py pacho y; tui ahai naichi ai mana khala py tui panei y.

ISAIA 45:7

Kai ly kangvang hawi kaveng ai sa. Amtheaung naira hawi ka-jeira ai py sa. Kai, Areng ly hini bawibawichi ai sa nai ne.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 10:12

Areng ly sa thai nai haiho hawi khaileaung lawm hai bo. Cheng naira hawi khaileaung pri sa iy, Tau cheng naira hawi kani khusang ai kadai pha bo.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

JEREMIA 36:32

Huna nai khala y kai ly takhra cha aeang harei la iy, kai i secretary Baru teng y pei pi. Baru ly samrang Jehojakim my mai leng vui nai cha aeangra y abawi nai cha ngiereichi ai, kaimy labeaung mang thui pi nai kamta tajiu bo. Kaimy labeaung mang thui pi nai ka-tawm leuchi tajiu panawi bi nai ne.

Ezekiela 29:6

Huna nai khala kai ly Areng ne, nanai Aikupta pri khumichi my pany u ai,” napi. Areng my, “Nang ly Israela chengchi i vui japang uipo keung teu.

AMOS 3:6

Mary theung y tavai baw eng nai katyn thai baly, mary i khumichi ly jei hyn y nai awm na a? Areng my pajeng khala naini, mary theung y patang naira tym nai ny y a?

ZEPHANIAH 3:8

Areng my, “Ajeng u jo; khumi cheaungkhangchi ai kai ang thau iy, thui tamawn nai neng kani ajeng. Kai i kado theu nai haiho avum ai nai, khumi cheaungkhangchi hawi pri tleitleireichi ai kachu ai nai, kai ly leu pacheang yb veng bo. Khaileaung pri verei ly kai i kado theu nai mai hawi kang iy phra veng ai.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

Kati Nai 10:35

Leu Maikawm Pawm amsa hai nai tleirei, Mosi my, “Aw Areng, ang thau ly nang i paleung ka-echi ai ahei seaungkhrang hai iy, nang ai niu ngai y nai khumichi ai preang hai pawn! nanai py,

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

MATTHAI 24:35

Kani khaileaung ly tama ai i, kai i leu ly tamo y ai.

ROM AVANGCHI TENG Y PAWLA I CHA PA NAI 16:27

nangchi ai khaw hai pajau nai keung cheng nai Tameuh harei khyh nai teng y ly Isu Krista deaungkho y deungtasarei palo naira awm sy. Amen.

JOSUA 23:15

Mymy ly adeu nai kamta, amtheaung naira ang pei teu i py, mymy i leu tangai y lawh baly, nangchi i tlang tleaung y patang nairachi tym hai ai.

JUDA 1:25

Isu Krista achi i Areng deaungkho y neng den py by y rai khala y py, vai py deungtasa khrarei py palo naira hawi, nang parai naira hawi, peang naira hawi, sa thai naira py awm sy. Amen.

1 SAMUELA 2:3

Areng ly ati cheaungkhang pany nai sai angym nai ne iy, khumichi i sa nai ngierei tara chih pi i, nangchi ly aeu iy amlyh u moh. Labeaung mang paleung len nai leu theu moh sy.