ISAIA 30:9 - Khumi Common Language Bible

⁹ Nichi ly Tameuh ai avawrei tiu naimy, avawrei tapawp naimy, Areng i leu ai avawrei akhi naimy awm u nai ne.

ISAIA 30:9 ပူးပေါင်းရင်းမြစ်များ

2 NENG SATANG 33:10

Areng my Manase hawi khumi mipuichi ai pany hai pi teu i py, nichi ly tangai u y.

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

SAM 81:12

Hunai deaungkho y kai ly nichi i paleung kyh chawn nai ly kyh chawn u jojo ai nai hawi, mychi i ngai nai kamta sa u ai nai py kapei pi nai ne.

LEU KACHENG 28:9

Reita leu pei naichi ai tangai y nai khumi i chiu sa nai ly Tameuh my paso ai.

ISAIA 1:10

Aw Jerusalem mary, nang ai peang nai samrangchi hawi nang i mary khumichi ly Sodom mary hawi Komora mary i khumichi hawi atawm. Nang ai Areng my leu pei nai tangai ba. Achi i Tameuh my parip nai tangai ba.

ISAIA 1:2

Areng my, “Khaileaung hawi kani khusangchi awi, kai i leu pei nai tangai u! Kaimy pacho panei nai deaungdichi ly ang tiu u lawh bo.

ISAIA 1:4

Nangchi kamngo sa nai khumichi awi, sa tamang reng nai khumi kamngochi awi! nangchi ly taham si u bo. Nangchi ai ly kamngo mynji my ang ti cheng na lawh bo ly! Israela chengchi i chai parai nai Areng Tameuh ai khai su iy, mymy ai nithun thun u vui bo.

ISAIA 10:5

Areng my, “Aw Asuria chengchi awi, kai i kado theu hai nai khumichi tlang tleaung y, nangchi ly samtleang lawm ai nai kaimy teaung ai.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 24:5

Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 30:1

Areng my, “Juda pri y peang nai khumichi ly taham si! Ati mana nai mo nabaly, nichi ly kai ai niu ngai y nai deaungkho y ne. Nichi ly kai i kangai hawi athli vui nai ka-dawnchi sa iy, kaimy pei y naimy amso amnaichi asa iy kamngo harei salo y harei panawira nai sa tamang u bo.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

ISAIA 65:2

Paleung tang iy hawi y sa naimy mychi kangai lam y tako reng nai, kai i khumichi ai lamchung ai nai ajeng rym jo nai ne.

JEREMIA 35:14

Jonada i katu chanauchi ly kreip hang nei y ai nai Jonada my pei nai reita patawm u bo. Nichi ly mychi i amsi pajo my leu pei nai tangai u nai deaungkho y, vaini khrairei ami py kreip hang nei u y nai ne. Na i py nangchi ly kaimy kang thui pi veangveang teu i py, kai i leu tangai u y.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

JEREMIA 7:28

Nichi ly mychi i Areng Tameuh i leu tangai u i, pajeng naira avum nai y, amtiu naira nga ai nai khumi cheng ny y, nanai nichi teng y thui pi. Leu meitang ly tama veng bo. Leu kateng katheu u y leang bo.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

Ezekiela 24:3

Atiu reng nai kai i khumichi teng y, nichi i vui sa thai naira angym nai kai, Areng my pata nai leu thui pi nai amti pi; huni pata nai leu ly: laawm ai maithu salo y pateang iy tui sa chum baly

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

ZEPHANIAH 3:2

Huni mary ly Areng i leu pei nai tangai y. Mymy i thui pi nai reita patawm y. Mymy ai ym y. Areng teng i kasabawmra py hnei y.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

Leu Thui Nai 32:20

Areng my, ‘Hini khumichi ly paleung tang iy, ka-ym by y naichi ne; kai ly nichi ai kasabawm y leang bo,’ ‘Naibaly nichi ati lawm u na mo, nanai kakhen cham ai.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.